Te-vese-e-t'ame(-di-Pirenèu)
Myosotis corsicana subsp. pyrenaeorum
Boraginaceae
Àutri noum : Ti-viéu-e-t'aìmi, Uei-de-l'enfant-Jèsu.
Nom en français : Myosotis des Pyrénéens.
Descripcioun :Aurés pas besoun d'ana dins li Pirenèu pèr lou rescountra, qu'aquesto meno trachis dins Ventour. Sèmblo bèn mai proche di te-vese-e-t'ame d'aquésti mountagno, e de Corso, que li dis Aup. Sabès que tout acò èro estaca avans la derivo Corso-Sardo i'a peraqui 35 MA. Se destrìo de sa cousino dis Aup que i'a ges de péu dessouto li fueio, s'atrovo pamens de péu croucu sus li costo di sepalo (fotò) e proun de péu sus si bord.
Usanço :Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").
Port : Erbo
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Myosotis
Famiho : Boraginaceae
Coulour de la flour :
Bluio
Petalo : 5
Ø (o loungour) flour : 6 à 9 mm
Flourido :
Estiéu
Sòu : Ca
Autour basso e auto : 1500 à 2700 m
Aparado : Noun
Juliet à avoust
Liò : Pelouso
- Coumbo à nèu
Estànci : Mountagnard à Aupen
Couroulougi : Ouroufito-Sud-Éuroupo
Ref. sc. : Myosotis corsicana subsp. pyrenaeorum Blaise & Kerguélen, 1992
(= Myosotis alpestris subsp. pyrenaearum (Blaise & Kerguélen) J.M.Tison )
Verd-bouisset
Ruscus aculeatus
Asparagaceae Ruscaceae
Àutri noum : Bresegoun, Trauco-sego, Calendau, Bouis-pougnènt, Verd-bouis.
Noms en français : Petit-houx, Fragon.
Descripcioun :Pichot aubret que porto de fru rouge à l'autouno e qu'adourno tradiciounalamen la taulo calendalo ("calendau"). Si pichòti flour estelado soun bessai mens couneigudo, pamens soun de vèire. Li fueio (cladodo), proun espinouso, rèston verdo de longo ("verd-bouisset").
Usanço :Lou verd-bouisset èi couneigu e emplega desempièi li mège grè (bon diureti). A l'ouro d'aro sa racino se retrobo dins mant'un remèdi pèr ajuda à la circulacioun dóu sang di cambo e peréu di moureno.
Port : Pichoto planto lignouso
Taio : Pancaro entresigna
Fueio : costo paralèlo
Tipe bioulougico : Pancaro entresigna
Cicle bioulougico : Pancaro entresigna
Gènre : Ruscus
Famiho : Asparagaceae
Famiho classico : Ruscaceae
Ordre : Aspargales
Coulour de la flour :
Vióuleto
Petalo : 6
Ø (o loungour) flour : Pancaro entresigna
Flourido : Printems
Ivèr
Sòu : Ca
Autour basso e auto :
Pancaro entresigna
Aparado : Noun
Liò : Garrigo
Estànci :
Pancaro entresigna
Couroulougi :
Pancaro entresigna
Ref. sc. : Ruscus aculeatus L., 1753