Plantun de Prouvènço

Pèr coumpara dos planto d'encò nostre

Microthlaspi perfoliatum & Crataegus monogyna

Mousselet

Microthlaspi perfoliatum

Brassicaceae Cruciferae

Autre noum : Talaspi.

Noms en français : Tabouret perfolié, Monnoyère à feuilles embrassantes.

Descripcioun :
Pichoto planto sènso péu que flouris d'ouro à la fin de l'ivèr. Li proumièri fueio soun en rouseto, pièi soun embrassanto (perfoulia). Li fru soun en formo de cor.

Usanço :
Poudès l'acampa pèr vosto ensalado champanello, adus un goust cousènt proche de l'aiet. Aquéu talaspi èi riche en vitamino C e ajudo dounc à lucha contro lou mau-de-terro (escourbut).

Port : Erbo
Taio : Pancaro entresigna
Fueio : óupousado
Tipe bioulougico : Pancaro entresigna
Cicle bioulougico : Pancaro entresigna

Gènre : Microthlaspi
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms Ivèr

Sòu : Ca
Autour basso e auto : Pancaro entresigna
Aparado : Noun

Liò : Champ
Estànci : Pancaro entresigna
Couroulougi : Pancaro entresigna
Ref. sc. : Microthlaspi perfoliatum (L.) F.K.Mey., 1973

Acinié

Crataegus monogyna

Rosaceae

Àutri noum : Acinas, Aubrespin, Poumetié, Peretié, Peto-fouirié.

Noms en français : Aubépine à un style, Bois de mai.

Descripcioun :
L'acinié fai proun de flour blanco à la primo, pièi porto de pichot fru rouge, lis acino vo poumeto.

Usanço :
Li flour e li fru soun vertuouso contro l'ipertesuro e pèr lou bato-cor : "La flour, n'i'a que n'en prenon pèr faire toumba la tensioun" (P. Pavon in O. Madon, op.cit. p. 58). Faire uno tisano emé un cuié de flour secado pèr tasso. Èi peréu uno planto sedativo : "Se metié dins lou biberoun deis enfant quand èron pichounet pèr li faire dourmi" (M. Duplan Ibid.).
"Dins lou tèms, sis ensertavon sus leis acinié de peros, de gnèspous [...] nautre l'avèn agu fa. O, o, sus lei bouishoun, lou gnespoulié prenié bèn aqui, [...] la souleto cauvo es que mounto pas aut" (in J.-L. Domenge, EbV, op.cit.).