Plantun de Prouvènço

Pèr coumpara dos planto d'encò nostre

Lythrum salicaria & Fallopia convolvulus

fotò
fotò
Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae


Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

fotò
fotò
Courrejolo-negro

Fallopia convolvulus

Polygonaceae

Autre noum : Tirasseto-negro.

Noms en français : Renouée faux liseron, Renouée-liseron.

Descripcioun :
La courrejolo-negro douno d'èr à sa cousino la courrejolo, mai d'un poun de vist boutani èi pamens rèn de vèire. Es uno Polygonaceae que fai de flour mistoulino blanco, roso e verdo. Se recounèis à si fueio en ferre de lanço.

Usanço :
Emai fuguèsse cultivado à l'age de brounze, que sa grano èi manjadisso, vuei, èi pulèu visto coume uno marrido erbo.

Port : Liano
Taio : 0,1 à 1(1,5) m
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Fallopia
Famiho : Polygonaceae


Ordre : Caryophyllales

Coulour de la flour : Roso
Petalo : 5
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Camin - Ermas - Ribiero
Estànci : Termoumediterran à Mountagnard
Couroulougi : Bourealo
Ref. sc. : Fallopia convolvulus (L.) Ã.Löve, 1970 (= Polygonum convolvulus L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
R
CC
C
CC
CC
CC
C

Lythrum salicaria & Fallopia convolvulus

CCC
CC
C
C
C
R
R
R

Coumpara Tè-di-paure emé uno autro planto

fotò

Coumpara Courrejolo-negro emé uno autro planto

fotò