Plantun de Prouvènço

Pèr coumpara dos planto d'encò nostre

Lythrum salicaria & Asplenium ruta-muraria

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Sauvo-vido

Asplenium ruta-muraria

Aspleniaceae

Autre noum : Rudo.

Nom en français : Rue des murailles.

Descripcioun :
La sauvo-vido es uno pichot féuse que trachis dins lis asclo de paret e de muraio sus cauquié e au soulèu. Se destrìo dis àutris Asplenium bonodi la formo de si foundo e pinulo. La subsp. presentado eici, ié dison ruta-muraria (esporo longo de 42 à 50 micromètre emé 2n = 144).

Usanço :
Es estado emplegado en tisano contro lou catàrri e raumas. Aurié d'ùni prouprieta anti-enflamativo.

Port : Pichoto planto lignouso
Taio : 3 à 10 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu - Autouno

Sòu : Ca
Autour basso e auto : 0 à 2500 m
Aparado : Noun
Juliet à óutobre

Liò : Paret - Relarg umide - Roucas
Estànci : Coulinen à Subaupen
Couroulougi : Bourealo
Ref. sc. : Asplenium ruta-muraria L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Lythrum salicaria & Asplenium ruta-muraria

CCC

Coumpara Tè-di-paure emé uno autro planto

Coumpara Sauvo-vido emé uno autro planto