Plantun de Prouvènço

Pèr coumpara dos planto d'encò nostre

Lilium bulbiferum & Poa nemoralis

Tonipan

Lilium bulbiferum

Liliaceae

Àutri noum : Peiloulet, Lis-de-Sant-Jan, Flour-dal-sacre-couor.

Noms en français : Lis safrané, Lis orangé.

Descripcioun :
Lou tonipan (Vesubiò) apela encaro peiloulet (Tiniò), pulèu rare, trachis dins li prado e li pendis roucassous de mountagno. Se vèi de liuen e se recounèis eisadamen emé si grosso (5 à 8 cm) e bèlli flour aranjo, pourtado pèr uno cambo cuberto de fueio estrecho, longo e noumbrouso.

Usanço :
Èro acampa pèr n'en faire de bouquet. Li flour, macerado dins l'òli o l'aigardènt servien pèr sougna li macaduro. Aro es apara, marca sus listo roujo, categourìo soucit minour.

Port : Grando erbo
Taio : 30 à 90 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Lilium
Famiho : Liliaceae

Ordre : Liliales

Coulour de la flour : Aranjado
Petalo : 6
Ø (o loungour) flour : 50 à 80 mm
Flourido : Estiéu

Sòu : Si
Autour basso e auto : 200 à 2300 m
Aparado : Noun
Juliet à avoust

Liò : Prado - Pendis roucassous - Esboudèu
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Lilium bulbiferum L., 1753

Margai(-de-bos)

Poa nemoralis

Poaceae Graminaceae

Nom en français : Pâturin des bois.

Descripcioun :
Lou margai-de-bos es uno planto proun chanjadisso, generalamen grando, primo e laco, e souvènt en mato dins li bos. Li ramo d'en bas de l'enflourejado soun noumbrouso. A uno courto lengueto (fotò, e pas tant que sus lou dessin de Coste). Se recounèis peréu à sa fueio d'en aut, pulèu longo que part en mountan un pau sus lou coustat. Pèr acò lis anglés i'an douna lou noum de "Heil Hitler grass".

Usanço :
Es uno bono erbo pèr lou fedan.

Port : Grando erbo
Taio : 10 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Poa
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Colo - Basso mountagno - Mountagno mejano
Estànci : Mesoumediterran à Aupen
Couroulougi : Pancaro entresigna
Ref. sc. : Poa nemoralis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Lilium bulbiferum & Poa nemoralis

ges

Coumpara Tonipan emé uno autro planto

Coumpara Margai(-de-bos) emé uno autro planto