Plantun de Prouvènço

Pèr coumpara dos planto d'encò nostre

Lemna trisulca & Astragalus depressus

Lentiho-d'aigo(-en-crous)

Lemna trisulca

Araceae Lemnaceae

Àutri noum : Lentihoun, Nadoun, Pampaieto, Tirounado.

Nom en français : Lenticule à trois lobes.

Descripcioun :
Aquesto lentiho-d'aigo que se vèi soulamen dins li canau de la valado dóu Rose e di plano de coustiero, trachis en coulounìo gaire sarrado e souvènt entre dos aigo. Pòu pas engana emé si "fueio" en crous que i'a rèn que ié sèmblo. Li foundo peréu soun bijarro qu'an coume de pecou que tenon sus rèn.

Usanço :
Li lentiho-d'aigo se manjon à la sartan coume un liume. En Poulougno, fin qu'à la debuto dóu siècle XXen, èron boulido e pièi cuecho emé de burre o de crèmo emé d'iòu.

Port : Erbo
Taio : 6 à 12 mm
Fueio : basalo
Tipe bioulougico : Idroufite
Cicle bioulougico : Planto renadivo

Gènre : Lemna
Famiho : Araceae
Famiho classico : Lemnaceae

Ordre : Alismatales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Jun à setèmbre

Liò : Aigo - Ribiero
Estànci : Mesoumediterran
Couroulougi : Subrecousmoupoulito
Ref. sc. : Lemna trisulca L., 1753

Cese-fèr(-nanet)

Astragalus depressus

Fabaceae Leguminosae

Nom en français : Astragale nain.

Descripcioun :
Aquéu cese-fèr trachis dins li tepiero roucaiouso de mountagno. Souvènti-fes rebalo au sòu, mai de cop, d'ùni ramo remounton. Li flour soun blanco tacado de vióulet sus la carèno. Li fueio soun longo, emé d'estipulo larjo e blanquinouso, e caupon de 6 à 14 paréu de fuioun.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 5 à 15 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour : Blanco
Petalo : irreguliero
Ø (o loungour) enflourejado : 3 à 6 cm
Flourido : Printèms - Estiéu

Sòu : Ca
Autour basso e auto : 400 à 2800 m
Aparado : Noun
Mai à juliet

Liò : Tepiero roucaiouso
Estànci : Mountagnard à Aupen
Couroulougi : Éurasiatico
Ref. sc. : Astragalus depressus L., 1756

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lemna trisulca & Astragalus depressus

ges

Coumpara Lentiho-d'aigo(-en-crous) emé uno autro planto

Coumpara Cese-fèr(-nanet) emé uno autro planto