Plantun de Prouvènço

Pèr coumpara dos planto d'encò nostre

Juncus inflexus & Fraxinus ornus

Juncus inflexus

Juncaceae

Noms en français : Jonc arqué, Jonc glauque.

Descripcioun :
Lou jouncas es un jounc coumun renadiéu, en mato, que trachis dins li relarg bagna, ribo d'aigo, prado umido, mueio, roubino, ermas umide... Li tijo, molo, soun tihouso à roumpre. Se recounèis à si lònguis enflourejado flaco qu'an de tepalo longo e pounchudo e subretout à si tijo coustelado e verdalo qu'an uno mesoulo "en paquet" (fotò). Lou fru èi peréu acaba emé uno pichoto pouncho.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 40 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 5 à 6 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Jun à avoust

Liò : Ribiero - Mueio - Estang - Prado umido
Estànci : Termoumediterran à Mountagnard
Couroulougi : Paleoutemperado
Ref. sc. : Juncus inflexus L., 1753

Frais-di-flour-blanco

Fraxinus ornus

Oleaceae

Autre noum : Frais-de-la-mauno.

Noms en français : Frêne à fleurs, Orne.

Descripcioun :
Pichot frais que trachis dins li relarg umide e caud. Se recounèis à si flour blanco qu'an de lòngui petalo primo. Li fueioun soun pu larg qu'encò lou frais, Fraxinus excelsior.

Usanço :
Es un aubre qu'es esta planta dins mant'un relarg. A l'incisioun, s'escoulo uno meno de mauno blanco qu'a un goust sucra (sèbo), proun utilisado en Sicilo. La mauno èi lachativo e vertuouso pèr apasima la pèu. Ei di proun utilisado pèr d'ùni crèmo.

Port : Aubre
Taio : 1 à 8 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Fraxinus
Famiho : Oleaceae

Coulour de la flour : Verdo
Petalo : 4
Ø (o loungour) flour : 1,5 cm
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Fourèst de gaudre - Ribiero - Pargue
Estànci : Termoumediterran à Subremediterran
Couroulougi : Eurimediterranenco
Ref. sc. : Fraxinus ornus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Juncus inflexus & Fraxinus ornus

Coumpara Jouncas emé uno autro planto

Coumpara Frais-di-flour-blanco emé uno autro planto