Plantun de Prouvènço

Pèr coumpara dos planto d'encò nostre

Juncus articus & Foeniculum vulgare subsp. vulgare

Juncus articus

Juncaceae

Nom en français : Jonc arctique.

Descripcioun :
Lou jounc-arti trachis dins li palun e riéusset d'auto mountagno. A quàsi pas de fueio (aleva la darriero dessubre l'enflourejado). Fai un rizoumo d'ounte parton de tijo, lisco, que porton lis enflourejado aperaqui devers lou 1/3 sup. de la planto. Es apara sus la listo roujo : categourìo NT, quàsi amenaçado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Negro
Petalo : 6
Ø (o loungour) flour : 6 à 7 mm
Flourido : Printèms - Estiéu

Sòu : Ca
Autour basso e auto : 1800 à 2800 m
Aparado : Noun
Jun à avoust

Liò : Palun - Riéusset
Estànci : Subaupen à Aupen
Couroulougi : Artico-Aupenco
Ref. sc. : Juncus articus Willd., 1799

Fenoui

Foeniculum vulgare subsp. vulgare

Apiaceae Umbelliferae

Autre noum : Fenoun.

Noms en français : Fenouil, Fenouil commun.

Descripcioun :
Lou fenoui, es uno planto bèn couneigudo que trachis dins la garrigo e lis ermas. Se recounèis à si flour jauno e au goust anisa de si flour, fueio o grano. Coumpara pamens emé lis àutris Apiaceae di flour jauno, s'avès pòu de vous engana.

Usanço :
Se manjon li jóuini fueio, forço goustouso, en ensalado. Li cambo e li fueio se meton dins lou bouto-à-couiro. Li grano soun bono coume assabourin. Ajudo à lucha contro lou gounflige (carminativo). Pèr acò bouta à macera li flour dins l'aigardènt quàuqui semano, ço que dounara la "fenouieto". Se pren pèr digeri e "acò fai petia" (in J.-L. Domenge, EbV, op.cit.). Se pòu prendre peréu en tisano pèr lis enfant.

Port : Grando erbo
Taio : 2 à 2,5 m
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Foeniculum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) enflourejado : 4 à 8 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco : Ensalado champanello
Jun à avoust

Liò : Garrigo - Ermas - Camin - Tepiero seco
Estànci : Termoumediterran à Subremediterran
Couroulougi : Paleoutemperado
Ref. sc. : Foeniculum vulgare subsp. vulgare Mill., 1768

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Juncus articus & Foeniculum vulgare subsp. vulgare

ges

Coumpara Jounc(-arti) emé uno autro planto

Coumpara Fenoui emé uno autro planto