Plantun de Prouvènço

Pèr coumpara dos planto d'encò nostre

Juncus articulatus & Lamium album

Jounc-nousa

Juncus articulatus

Juncaceae

Àutri noum : Erbo-dóu-parpaioun, Erbo-à-parpaioun, Fenoui-de-palun, Gapihoun, Parpaioun.

Noms en français : Jonc articulé, Jonc à fruits lustrés.

Descripcioun :
Lou jounc-nousa es uno planto coumuno, pas pu grando que 60 cm, que trachis dins li relarg mounte i'a d'aigo. Quouro èi jouine pòu faire de fiéu (estouloun). L'enflourejado, forço chanjadisso, caup de 3 à 20 flour. Li tepalo soun acabado pèr un benc.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 70 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 1 à 2 mm
Flourido : Printèms - Estiéu - Autouno

Sòu : Ca
Autour basso e auto : 0 à 1800 m
Aparado : Noun
Mai à óutobre

Liò : Palun - Ribiero - Roubino - Prado umido
Estànci : Termoumediterran à Subaupen
Couroulougi : Bourealo
Ref. sc. : Juncus articulatus L., 1753

Ourtigo-blanco

Lamium album

Lamiaceae Labiaceae

Àutri noum : Erbo-de-la-rato, Erbo-de-la-ratello.

Noms en français : Lamier blanc, Ortie blanche.

Descripcioun :
L'ourtigo-blanco es uno planto couneigudo mai pas gaire coumuno au nostre que trachis dins li relarg un pau umide e fres. Èi la fueio que douno d'èr à la de l'ourtigo, pamens la planto poun pas. Se recounèis eisadamen à si flour blanco, tacado de jauno davans e pelouso emé lis antèro dis estamino negro.

Usanço :
Èi proun vertuouso majamen contro li criso de gouto e ajudo adounc à elimina l'acide urico (flour). Èi peréu bono contro lou tussi (mucilage), lou prusi e èi tambèn emplegado coume vulneràri pèr la vulvo e la pacholo. Acampa li flour e li faire seca pièi se n'en servi coume tisano.