Plantun de Prouvènço

Pèr coumpara dos planto d'encò nostre

Iris pseudacorus & Leersia oryzoides

Glaujo

Iris pseudacorus

Iridaceae

Àutri noum : Glaujòu-jaune, Tèsto-d'ase, Coutello-de-valat, Coutelas, Espaso.

Noms en français : Iris des marais, Iris jaune.

Descripcioun :
La glaujo "es uno grando planto que sort à bèlli mato au ribeirés dis aigo, emé de lòngui fueio en formo de coutello e de bèlli flour jauno requinquihado en l'èr coume d'alabardo d'or" F. Mistral in Memòri e Raconte, 1906.

Usanço :
Se fasié de cataplasme emé lou rizoume pèr sougna lis agacin (principe di signaturo). Mescla emé de la limaio de ferre dounavo peréu uno encro negro de qualita. F. Mistral ramento que "Flourdalis vèn de flour d'iris, car es un iris la glaujo, e l'azur dóu blasoun represènto bèn l'aigo ounte la glaujo crèis, Ibid. Aro se n'en servèn pèr depoulua l'aigo.

Port : Grando erbo
Taio : 50 à 120 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Iris
Famiho : Iridaceae

Ordre : Aspargales

Coulour de la flour : Jauno
Petalo : 6
Ø (o loungour) flour : 5,5 à 6,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Palun - Ribiero - Roubino
Estànci : Termoumediterran à Mountagnard
Couroulougi : Éurasiatico
Ref. sc. : Iris pseudacorus L., 1753

Faus-ris

Leersia oryzoides

Poaceae Graminaceae

Noms en français : Faux Riz, Léersie faux riz.

Descripcioun :
Lou faus-ris es uno planto renadivo que fai de 50 cm à 1 mètre d'aut. L'inflourejado es uno paniculo forço flaco. I'a ges de glumo is espigueto proun esquichado, la lemma e la palea embarron lou fru dins uno meno de bouito. Se recounèis peréu à si nous tout pelu (fotò) e à si cambo proun rufo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1(2) m
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Leersia
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) enflourejado : 3 à 6 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Roubino
Estànci : Mesoumediterran
Couroulougi : Cousmoupoulito
Ref. sc. : Leersia oryzoides (L.) Sw., 1788

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Iris pseudacorus & Leersia oryzoides

ges

Coumpara Glaujo emé uno autro planto

Coumpara Faus-ris emé uno autro planto