Plantun de Prouvènço

Pèr coumpara dos planto d'encò nostre

Gentiana brachyphylla & Neatostema apulum

Gencianeto(-di-fueio-courto)

Gentiana brachyphylla

Gentianaceae

Àutri noum : Gensianeta , Gansaneta, Preiret.

Nom en français : Gentiane à feuilles courtes.

Descripcioun :
La gencianeto-di-fueio-courto trachis dins li pelouso roucaiouso d'auto mountagno. Flouris après lou desneva. Li fueio soun courteto e fan de rouseto basalo, pamens èi subretout emé soun "calice" gaire o quàsi pas ala (alo < 0,5 mm), que se destrìo de sa cousino la gencianeto-di-fueio-redouno, Gentiana orbicularis, que se vèi dins li mémi relarg.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 6 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Bluio
Petalo : 5
Ø (o loungour) flour : 1,5 à 2,5 cm
Flourido : Printèms - Estiéu

Sòu : Ca
Autour basso e auto : 1800 à 3200 m
Aparado : Noun
Jun à avoust

Liò : Pelouso roucaiouso
Estànci : Aupen
Couroulougi : Ouroufito-Sud-Éuroupenco
Ref. sc. : Gentiana brachyphylla Vill., 1779

Pissoto(-jauno)

Neatostema apulum

Boraginaceae

Noms en français : Grémil des Pouilles, Grémil jaune.

Descripcioun :
Aquelo pissoto es uno planto de l'an pas bèn grando, di proun bourrihudo, pougnènto e ramificado. Li tijo soun redo e porton d'enflourejado de flour jauno, courteto e sarrado. Li noumbróusi fueio soun en long. Es uno planto qu'amo la calour e mounte pas gaire dins li colo.

Usanço :
Couneissèn pas d'usanço particuliero pèr aquelo planto. Bessai que soun li meme que l'erbo-de-la-pisseto, Buglossoides arvensis. Escriéure au site se n'en sabès mai.

Port : Erbo
Taio : 3 à 20 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Neatostema
Famiho : Boraginaceae

Coulour de la flour : Jauno
Petalo : 5
Ø (o loungour) flour : 3 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Abriéu à jun

Liò : Tepiero seco - Sablo
Estànci : Termoumediterran à Subremediterran
Couroulougi : Estenoumediterrano
Ref. sc. : Neatostema apulum (L.) I.M.Johnst., 1953 (= Lithospermum apulum (L.) Vahl, 1791 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Gentiana brachyphylla & Neatostema apulum

ges

Coumpara Gencianeto(-di-fueio-courto) emé uno autro planto

Coumpara Pissoto(-jauno) emé uno autro planto