Plantun de Prouvènço

Pèr coumpara dos planto d'encò nostre

Fragaria viridis & Poterium sanguisorba subsp. sanguisorba

Majoufié

Fragaria viridis

Rosaceae

Àutri noum : Fraguié, Ambrouso.

Nom en français : Fraisier vert.

Descripcioun :
Aquéu majoufié (o fraguié) douno d'èr au fraguié coumun, que s'arregardas pas de proche pòu engana eisa. Trachis dins li bos fres de colo e de basso mountagno majamen dins li blachiero. Sèmblo adounc à Fragaria vesca, pamens èi mai grand e fort dins touto si partido ; li flour soun pu grando (souvènt > 20 mm). Se destrìo peréu emé si fueio mai pelouso e subretout si fueioun dóu "calice" que soun revessa sus lou fru (escarta encò dóu fraguié coumun).

Usanço :
Lou fru èi de segur manjadis, mai pas tant bon qu'aquéu dóu fraguié, Fragaria vesca (mèfi pamens de l'equinocoucoso). Li flour e li fueio soun tambèn bono à manja. Se fai de tè emé li fueio. Touto la planto fai pissa e èi tounico e depurativo. Li racino soun bono contro la cagagno (astringènto).

Port : Erbo
Taio : 8 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Fragaria
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 14 à 25 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Blachiero
Estànci : Subremediterran à Mountagnard
Couroulougi : Éurasiatico-Centre-Ouèst
Ref. sc. : Fragaria viridis Weston, 1771

Pimpinello

Poterium sanguisorba subsp. sanguisorba

Rosaceae

Àutri noum : Armentalo-fèro, Freissineto, Armentiho, Armantiho.

Nom en français : Pimprenelle.

Descripcioun :
La pimpinello es uno erbo poulideto emé sis enflourejado en boulo qu'an de flour roujo en aut e jauno dessouto. Flouris pulèu d'ouro à la debuto de la primo dins li champ e lis ermas.

Usanço :
Li fueio aduson un bon goust de nose o de coumcoumbre à l'ensalado champanello. Ero proun acampado e de cop que i'a cultivado à passa tèms. La planto sarro li car e ajudo à la couagulacioun dóu sang. Sèr pèr sougna li plago e li bruladuro.

Port : Erbo
Taio : 20 à 80 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Poterium
Famiho : Rosaceae

Ordre : Rosales

Coulour de la flour : Roujo
Petalo : ges
Ø (o loungour) enflourejado : 6 à 20 mm
Flourido : Printèms

Sòu : Ca (Si)
Autour basso e auto : 0 à 2200 m
Aparado : Noun
Remarco : Ensalado champanello
Abriéu à jun

Liò : Champ - Roucaio - Ermas - Garrigo
Estànci : Termoumediterran à Mountagnard
Couroulougi : Paleotemperado
Ref. sc. : Poterium sanguisorba subsp. sanguisorba L., 1753 (= Sanguisorba minor Scop., 1771 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Fragaria viridis & Poterium sanguisorba subsp. sanguisorba

ges

Coumpara Majoufié emé uno autro planto

Coumpara Pimpinello emé uno autro planto