Figuiero
Ficus carica
Moraceae
Àutri noum : Figuiero-fèro, Figuiero-d'ase, Figuiero-de-porc, Figuiero-cabrau.
Noms en français : Figuier, Figuier comestible.
Descripcioun :La figuiero es un aubre, souvent un aubret, bèn couneigu. De saupre que ço que manjan èi, d'un biais boutani, un "faus fru". Dins la figo que sèmblo uno urno, s'atrobon de flour mistoulino que devran èstre fecoundado pèr de pichots insèite, (lou Blastophaga) que passon d'uno figo à l'autro. Li pichots akène que trouban dins la figo soun li "vertadié fru" de la planto.
Usanço :I'a dos meno de figo. Li figo di figuiero-cabrau soun pas manjadisso que caupon un fube de blastofage (figo flour) au contro di "figuiero femello" (figo fru).
Port : Aubre
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna
Gènre : Ficus
Famiho : Moraceae
Coulour de la flour :
Blanco
Petalo : ges
Ø (o loungour) flour : Pancaro entresigna
Flourido : Printèms
- Estiéu
Sòu : Ca
Autour basso e auto :
Pancaro entresigna
Aparado : Noun
Liò : Ribiero
- Paret
- Escoumbre e proche dis oustau
- Baragno
Estànci :
Pancaro entresigna
Couroulougi :
Pancaro entresigna
Ref. sc. : Ficus carica L., 1753
Margai(-margaia)
Bellardiochloa variegata
Poaceae Graminaceae
Nom en français : Pâturin panaché.
Descripcioun :Aquéu margai trachis en mato dins li tepiero seco, li melounié e li roucas de mountagno. Li fueio de la baso soun proun estrecho (< 1 mm) e envertouiado, aquéli di cambo, un pau mai larjo (1 à 2 mm) alor que la lengueto èi bèn longo (3 à 7 mm). La paumo (paniculo) èi pulèu lacho emé d'espigueto de 7 à 8 mm (3 à 5 flour), margaiado de vióulet e de verd. Se recounèis tambèn à la lemma emé de péu à la baso e subretout qu'èi courtamen aristado (1 mm- vèire li fotò). Aquéli caratère l'an fa sourti dóu gènre proche Poa.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 20 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Bellardiochloa
Famiho : Poaceae
Famiho classico : Graminaceae
Coulour de la flour :
Vióuleto
Petalo : ges
Ø (o loungour) flour : 7 à 8 mm
Flourido :
Estiéu
Sòu : Si
Autour basso e auto :
Pancaro entresigna
Aparado : Noun
Juliet à avoust
Liò : Tepiero seco
- Roucas
- Melounié
Estànci : Mountagnard à Aupen
Couroulougi : Ouroufito-Sud-Éuropenco
Ref. sc. : Bellardiochloa variegata (Lam.) Kerguélen, 1983
(= Poa violacea Bellardi, 1792 )