Flessitrique-di-cambo-plegadivo
Flexitrichum flexicaule
Flexitrichaceae Ditrichaceae
Nom en français : Ditric flexueux.
Descripcioun :Aquelo mousso acroucarpo fragilo de taio mejano (1 à 5 cm) fai de mato coume de como sus li roco cauquiero. Li tijo soun pelouso à la baso e li fueio, de 1 à 3,5 mm, soun primo e en lanço emé uno costo larjo. Fai raramen d'espouroufite.
Usanço :Se pòu engana emé d'àutri mousso pluroucarpo di fueio primo dóu gènre Flexitrichum, mai que soun pu pichoto o tambèn qu'an pas tant de péu. Peréu emé li meno dóu gènre Dicranodontium o enca amé Distichium inclinatum, pamens an tóuti de celulo alàri que se vèson bèn.
Port : Acroucarpo
Taio : 1 à 5 cm
Fueio : 2 à 3 mm
Tipe bioulougico :
Cicle bioulougico : Planto renadivo
Gènre : Flexitrichum
Famiho : Flexitrichaceae
Famiho classico : Ditrichaceae
Ordre : Dicranales
Coulour de la flour :
Petalo : 0,5 à 0,7 mm
Ø (o loungour) flour : Dènt divisado
Flourido :
Estiéu
Sòu : Ca
Autour basso e auto : 10 à 2000 m
Aparado : Noun
Juliet à setèmbre
Liò : Roco
- Camin
Estànci : Mesoumediterran à Subaupen
Couroulougi : Oulartico
Ref. sc. : Flexitrichum flexicaule (Schwägr.) Ignatov & Fedosov, 2016
(= Ditrichum flexicaule (Schwägr.) Hampe, 1867 )
Pèd-de-menoun
Aegopodium podagraria
Apiaceae Umbelliferae
Noms en français : Égopode podagraire, Herbe aux gouteux.
Descripcioun :Es uno planto éurosiberiano coumuno dins lou relarg, pamens, au nostre, se rescountro soulamen dins lis endré fres e umide adounc majamen en mountagno. Se destrìo subretout bonodi si fueio en fueioun (en lanço e denta) pèr 5 en bas de tijo, pièi pèr 3 mai aut. La cambo èi boutisso, li flour soun blanco e li fru se recounèisson i costo e peréu is estile de flour que retoumbon sus lou coustat (fotò).
Usanço :Lou pèd-de-menoun èi manjadis crus en ensalado o cue coume d'espinard, en tian, èi goutous. La plante èi couneigudo pèr èstre vertuouso contro la gouto ("Herbe aux gouteux"), èi peréu diuretico (fai pissa), vulneràri (sougno li plago) e bono péréu contro lou mau d'os.
Port : Grando erbo
Taio : 0,4 à 1 m
Fueio : coumpausado
Tipe bioulougico : Emicriptoufite
Cicle bioulougico : Planto renadivo
Gènre : Aegopodium
Famiho : Apiaceae
Famiho classico : Umbelliferae
Ordre : Apiales
Coulour de la flour :
Blanco
Petalo : 5
Ø (o loungour) enflourejado : 4 à 7 cm
Flourido : Printèms
- Estiéu
Sòu : Ca
Autour basso e auto : 0 à 1700 m
Aparado : Noun
Mai à avoust
Liò : Bos fres
- Ribiero
Estànci : Subremediterran à Mountagnard
Couroulougi : Éurosiberiano
Ref. sc. : Aegopodium podagraria L., 1753
