Plantun de Prouvènço

Pèr coumpara dos planto d'encò nostre

Daphne mezereum & Lotus corniculatus subsp. alpinus

Daphne mezereum

Thymelaeaceae

Noms en français : Daphné bois-gentil, Daphné joli-bois.

Descripcioun :
Lou meserèu trachis sus li roucaio e paret d'auto mountagno. Li flour, roso, vènon à la foundo di nèu e pièi aparèisson l'estiéu, li fru rouge. Se recounèis peréu à si fueio en bout de tijo.

Usanço :
Ei lou Daphne lou mai empouisounant que i'ague au nostre (caup d'eterousido). La doso mourtalo èi d'uno deseno de fru. Pèr acò mèfi !.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Daphne
Famiho : Thymelaeaceae

Coulour de la flour : Roso
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Vo
Remarco : Meno aparado

Liò : Mountagno mejano - Auto mountagno - Roucaio
Estànci : Mountagnard à Subaupen
Couroulougi : Pancaro entresigna
Ref. sc. : Daphne mezereum L., 1753

Embriago-cabro

Lotus corniculatus subsp. alpinus

Fabaceae Leguminosae

Àutri noum : Galassoun, Pèd-d'aucèu, Jauneto, Cap-rous, Lentiholo.

Noms en français : Lotier des Alpes, Lotier corniculé.

Descripcioun :
Aquelo meno d'embriago-cabro, subsp. alpinus, trachis dins li pelouso d'auto mountagno. Coume tóuti li Lotus se recounèis à si fueio di tres fuioun large groupa e si dos estipulo sus lou coustat. Èi mai pichoto emé de flour pu grosso que lou tipe corniculatus, coumun en plano, e souvènt rouginasso.

Usanço :
Li jóuini brout soun manja en Bousnìo (F. Couplan, op.cit. p. 215), pamens li flour caupon d'acide cianidri. La planto èi marrido pèr li bèsti que douno lou lourdige, embriago (embriago-cabro), coume l'avien vist nòstis àvi. A de prouprieta sedativo e antispasmoudico (contro li mau de nèrvi).