Plantun de Prouvènço

Pèr coumpara dos planto d'encò nostre

Cyperus difformis & Vogtia annua

Cyperus difformis

Cyperaceae

Nom en français : Souchet difforme.

Descripcioun :
Lou triangle-diforme s'atrovo majamen dins li risiero ounte pòu èstre envahissènt. Es uno planto de l'an que douno d'èr à Cyperus fuscus mai qu'èi pu grando emé d'escaumo pu pichoto (< 0,9 mm) e pu verdo. Apoundèn que lis estamino soun mistoulino (< 0,15 mm).

Usanço :
Aquéu triangle vengu emé li grano, pòu entrina dins li risiero uno perdo de prouducioun de 12 à 50 %. Franc d'acò, couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 60 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Cyperus
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 5 cm
Flourido : printèms - Estiéu

Sòu : Ca
Autour basso e auto : 0 à 50 m
Aparado : Noun
Jun à setèmbre

Liò : Risiero - Palun
Estànci : Mesoumediterran
Couroulougi : Óurigino paleoutemperado e Subrecousmoupoulito
Ref. sc. : Cyperus difformis L., 1756

Roumanin-de-plan

Vogtia annua

Asteraceae Compositae

Autre noum : Roumaniéu-de-plan.

Nom en français : Tanaisie annuelle.

Descripcioun :
Lou roumanin-de-plan es uno planto devengudo proun raro, marcado sus listo roujo, CR (valènt-à-dire en dangié criti). S'atrovo pu qu'à dous endré de noste relarg. Li noum prouvençau mostron que devié èstre bèn mai coumuno à passa tèms. Trachis dins li marlo e li limas sablous. Es uno planto pus au mens grando que flouris à la debuto de l'autouno emé de poulìdi courimbo jauno. Se recounèis peréu à soun óudour suavo.

Usanço :
Aquesto planto èi proun vertuouso. De segur l'acampas pas que s'atrobo d'esperit (òli essencialo) dins lou coumèrci, que nous vèn d'Africo. Èi subretout vertuouso contro l'enflamacioun, lou prusi e li problèmo de pèu. Sougno peréu lou mau d'os, lou raumas, l'ipertesuro e mai enca...

Port : Grando erbo
Taio : 20 à 120 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Vogtia
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1 à 3 cm
Flourido : Estiéu - Autouno

Sòu : Ca
Autour basso e auto : 80 à 110 m
Aparado : Noun
Setèmbre à nouvèmbre

Liò : Culturo - Ermas - Marlo
Estànci : Mesoumediterran
Couroulougi : Estenoumediterrano-Ouèst
Ref. sc. : Vogtia annua (L.) Oberpr. & Sonboli, 2012 (= Tanacetum annuum L. 1753 = Chrysanthemum annuum (L.) Hayek ex P.Fourn., 1939 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

RRR

ges

Cyperus difformis & Vogtia annua

ges

Coumpara Triangle(-diforme) emé uno autro planto

Coumpara Roumanin-de-plan emé uno autro planto