Ipno-féuse
Cratoneuron filicinum
Amblystegiaceae
Nom en français : Hypne fougère.
Descripcioun :Aquelo mousso pluroucarpo de taio mejano (> 6 cm), e de coulour quouro verdo sourno, quouro verdo à jaunasso, trachis sus li roco cauquiero bagnado, lou sòu, li souco d'aubre o enca lou bos pourri. Porto de fueio triangulàri e dentado emé uno larjo costo que s'acabo au bout ; li fueio di ramèu soun mai en daio. Au microuscope li celulo de la baso e alàri, fragilo, soun grandarasso e di proun claro. Fai raramen d'espouroufite qu'es diouïco. Aquelo mousso èi proutejido sus listo roujo, categourìo LC, es à dire soucit minour.
Usanço :Se pòu engana emé l'ipno-chanjadisso e d'àutri meno dóu gènre Palustriella que trachisson dins lou meme relarg e qu'an pamens si fueio plecado. Vèire peréu Ctenidium e Hygroamblystegium, ...
Port : Pluroucarpo
Taio : 6 à 10 cm
Fueio : 1 à 1,8 mm
Tipe bioulougico :
Cicle bioulougico : Planto renadivo
Gènre : Cratoneuron
Famiho : Amblystegiaceae
Ordre : Hypnales
Coulour de la flour :
Petalo : 2,5 à 4,5 cm
Ø (o loungour) flour : Coumplet
Flourido : Printèms
- Estiéu
Sòu : Ca (Si)
Autour basso e auto : 50 à 2000 m
Aparado : Noun
Abriéu à avoust
Liò : Roco bagnado
- Sòu bagna
- Bos pourri
- Souco
Estànci : Mountagnard à Subaupen
Couroulougi : Oulartico
Ref. sc. : Cratoneuron filicinum (Hedw.) Spruce, 1867
(= Amblystegium filicinum (Hedw.) De Not., 1867 = Hypnum filicinum Hedw., 1801 )
Roumanin-de-plan
Vogtia annua
Asteraceae Compositae
Autre noum : Roumaniéu-de-plan.
Nom en français : Tanaisie annuelle.
Descripcioun :Lou roumanin-de-plan es uno planto devengudo proun raro, marcado sus listo roujo, CR (valènt-à-dire en dangié criti). S'atrovo pu qu'à dous endré de noste relarg. Li noum prouvençau mostron que devié èstre bèn mai coumuno à passa tèms. Trachis dins li marlo e li limas sablous. Es uno planto pus au mens grando que flouris à la debuto de l'autouno emé de poulìdi courimbo jauno. Se recounèis peréu à soun óudour suavo.
Usanço :Aquesto planto èi proun vertuouso. De segur l'acampas pas que s'atrobo d'esperit (òli essencialo) dins lou coumèrci, que nous vèn d'Africo. Èi subretout vertuouso contro l'enflamacioun, lou prusi e li problèmo de pèu. Sougno peréu lou mau d'os, lou raumas, l'ipertesuro e mai enca...
Port : Grando erbo
Taio : 20 à 120 cm
Fueio : alterno
Tipe bioulougico : Teroufite
Cicle bioulougico : Planto de l'an
Gènre : Vogtia
Famiho : Asteraceae
Famiho classico : Compositae
Tribu : Anthemideae
Ordre : Asterales
Coulour de la flour :
Jauno
Petalo : >6
Ø (o loungour) enflourejado : 1 à 3 cm
Flourido :
Estiéu - Autouno
Sòu : Ca
Autour basso e auto : 80 à 110 m
Aparado : Noun
Setèmbre à nouvèmbre
Liò : Culturo
- Ermas
- Marlo
Estànci : Mesoumediterran
Couroulougi : Estenoumediterrano-Ouèst
Ref. sc. : Vogtia annua (L.) Oberpr. & Sonboli, 2012
(= Tanacetum annuum L. 1753 = Chrysanthemum annuum (L.) Hayek ex P.Fourn., 1939 )