Plantun de Prouvènço

Pèr coumpara dos planto d'encò nostre

Corydalis solida & Picnomon acarna

Corydalis solida

Papaveraceae

Nom en français : Corydale à bulbe plein.

Descripcioun :
Lou couridale, que ié dison colombina en Itàli, douno d'èr à-n-un fumo-terro renadiéu. Flouris à la debuto de la primo dins li blachiero e faio, au nostre subretout en Prouvènço preaupenco dóu levant. Se recounèis à sis enflourejado roso emé de gràndi bratèio, à si fueio di proun descoupado e peréu à si fru pendoulant e pounchu.

Usanço :
La planto es empouisounanto que caup d'alcalouïdo dangeirous e de bulbocapnino marrido pèr li tarnavello. Pamens bèn dousado, sarrien bon pèr lucha contro la malautié de Parkinson e d'ùni proublèmo de nèrvi.

Port : Erbo
Taio : 7 à 20 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Corydalis
Famiho : Papaveraceae

Ordre : Ranunculales

Coulour de la flour : Roso
Petalo : 4
Ø (o loungour) flour : 1,5 à 2,5 cm
Flourido : Printèms

Sòu : Ca
Autour basso e auto : 100 à 1700 m
Aparado : Noun
Mars à mai

Liò : Blachiero - Faio - Cauprenedo - Fendasclo
Estànci : Subremediterran à Mountagnard
Couroulougi : Paleoutemperado
Ref. sc. : Corydalis solida (L.) Clairv., 1811

Cardoun(-acarna)

Picnomon acarna

Asteraceae Compositae

Nom en français : Cirse acarna.

Descripcioun :
Planto de l'an drecho e ramificado emé de fueio blanquinouso proun pougnento. Li pougnoun soun jaune. Li flour coumpausado soun sènso pecou e bourdado de bratèio emé d'aguio en penche (fotò). I'agrado li relarg secarous.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Picnomon
Famiho : Asteraceae
Famiho classico : Compositae

Coulour de la flour : Roso
Petalo : >6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Tepiero seco - Roucaio - Camin
Estànci : Termoumediterran à Mesoumediterran
Couroulougi : Pancaro entresigna
Ref. sc. : Picnomon acarna (L.) Cass., 1826

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Corydalis solida & Picnomon acarna

ges

Coumpara Couridale emé uno autro planto

Coumpara Cardoun(-acarna) emé uno autro planto