Plantun de Prouvènço

Pèr coumpara dos planto d'encò nostre

Chrozophora tinctoria & Traunsteinera globosa

Chrozophora tinctoria

Euphorbiaceae

Noms en français : Tournesol des teinturiers, Croton des teinturiers.

Descripcioun :
La maurello es uno Euphorbiaceae que douno d'èr pulèu à l'erbo-di-toro, Heliotropium europaeum, subretout que trachis dins li champ e flouris peréu à la fin de l'estiéu. Li flour masclo e femello soun desseparado. Se recounèis à si fru en boulo, cubert de berrugo e à si péu estela (fotò).

Usanço :
Emé la planto se fasié la tenchuro de viro-soulèu que servié à l'Age-Mejan à l'enluminamen di libre e tambèn pèr acoulouri lou manja. D'efèt chanjo de coulour, passo de blu à rouge, quouro lou mitan es acide (pèr acò se boutié li boursèu dins la pisso). Acò se retrobo dins lou papié Tournesol qu'utiliso la chimìo.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Chrozophora
Famiho : Euphorbiaceae

Coulour de la flour : Jauno
Petalo : ges
Ø (o loungour) flour : 2 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Champ - Camin
Estànci : Termoumediterran à Mesoumediterran
Couroulougi : Mediterranenco-Touranieno
Ref. sc. : Chrozophora tinctoria (L.) A.Juss., 1824

Gau(-redoun)

Traunsteinera globosa

Orchidaceae

Nom en français : Orchis globuleux.

Descripcioun :
Aquéu gau dóu gènre Traunsteinera, trachis dins li prado de mountagno sus cauquié. Èi pulèu uno grando planto primo emé uno tèsto redouno de flour roso. Aquésti soun picoutado emé de tepalo desplegado e uno labreto di tres partido. I'a de lóngui fueio en lanço sus la cambo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 30 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Traunsteinera
Famiho : Orchidaceae

Ordre : Aspargales

Coulour de la flour : Roso
Petalo : irreguliero
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Prado
Estànci : Mountagnard à Subaupen
Couroulougi : Ouroufito-Éuropenco
Ref. sc. : Traunsteinera globosa (L.) Rchb., 1842

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Chrozophora tinctoria & Traunsteinera globosa

ges

Coumpara Maurello emé uno autro planto

Coumpara Gau(-redoun) emé uno autro planto