Plantun de Prouvènço

Pèr coumpara dos planto d'encò nostre

Chrozophora tinctoria & Senecio vulgaris

fotò
fotò
Maurello

Chrozophora tinctoria

Euphorbiaceae

Noms en français : Tournesol des teinturiers, Croton des teinturiers.

Descripcioun :
La maurello es uno Euphorbiaceae que douno d'èr pulèu à l'erbo-di-toro, Heliotropium europaeum, subretout que trachis dins li champ e flouris peréu à la fin de l'estiéu. Li flour masclo e femello soun desseparado. Se recounèis à si fru en boulo, cubert de berrugo e à si péu estela (fotò).

Usanço :
Emé la planto se fasié la tenchuro de viro-soulèu que servié à l'Age-Mejan à l'enluminamen di libre e tambèn pèr acoulouri lou manja. D'efèt chanjo de coulour, passo de blu à rouge, quouro lou mitan es acide (pèr acò se boutié li boursèu dins la pisso). Acò se retrobo dins lou papié Tournesol qu'utiliso la chimìo.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Chrozophora
Famiho : Euphorbiaceae



Coulour de la flour : Jauno
Petalo : ges
Ø (o loungour) flour : 2 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Champ - Camin
Estànci : Termoumediterran à Mesoumediterran
Couroulougi : Mediterranenco-Touranieno
Ref. sc. : Chrozophora tinctoria (L.) A.Juss., 1824

fotò
fotò
Seniçoun

Senecio vulgaris

Asteraceae Compositae

Àutri noum : Seneiçoun, Seneçoun, Saniçoun, Seriçoun, Serinçoun.

Nom en français : Séneçon commun.

Descripcioun :
Lou seniçoun s'atrobo un pau d'en pertout dins li terro faturado, lis ermas, e proche dis oustau. Es uno planto annalo que se rescontre souvènt en flour. Aquéli touto jauno an ges de ligulo sus li bord. Li fueio espèsso, un pau verdalo, soun retaiado d'un biais chanjadis.

Usanço :
I'a uno alusioun de A. Mathieu dins lou TdF sus sa poussiblo counsoumacioun coume ensalado. Pamens vaudrié pas que sèmblo marrido pèr lou fege. P. Lieutaghi signalo que servié à passa tèms, en Auto-Prouvènço, en emplastro pèr sougna li macaduro.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Senecio
Famiho : Asteraceae
Famiho classico : Compositae
Tribu : Senecioneae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno - Ivèr

Sòu : Ca
Autour basso e auto : Pancaro entresigna
Aparado : Noun

Liò : Escoumbre e proche dis oustau - Champ
Estànci : Pancaro entresigna
Couroulougi : Pancaro entresigna
Ref. sc. : Senecio vulgaris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup

Chrozophora tinctoria & Senecio vulgaris

R
C
R
C
C
ges
ges
ges

Coumpara Maurello emé uno autro planto

fotò

Coumpara Seniçoun emé uno autro planto

fotò