Plantun de Prouvènço

Pèr coumpara dos planto d'encò nostre

Carex praecox & Festuca nigrescens

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Petugo(-negrinello)

Festuca nigrescens

Poaceae Graminaceae

Nom en français : Fétuque noirâtre.

Descripcioun :
La petugo-negrinello trachis dins li bos e tepiero un pau umido de mountagno. Se recounèis à sa souco en mato, si fueio redounello emé de pichòti costo, e à sis enflourejado en paumo laco emé d'espigueto pas trop grosso, un pau rougineto e que porton uno pichoto arèsto. Fai parti dóu group Festuca rubra s.l. que la fueio en coupo èi de formo pouligounalo (dessin). Se destrìo de la festuco-roujo que fai de mato e pas de rizoumo ; èi peréu mens roujo. Coumpara emé la festuco-roujo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 20 à 90 (120) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2300 m
Aparado : Noun

Liò : Prado umido - Ribiero - Colo - Tepiero seco
Estànci : Mountagnard à Subaupen
Couroulougi : Pancaro entresigna
Ref. sc. : Festuca nigrescens Lam., 1788 (= Festuca rubra subsp. commutata (Gaudin) Markgr.-Dann., 1968 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Festuca nigrescens

ges

Coumpara Queirello(-proumierenco) emé uno autro planto

Coumpara Petugo(-negrinello) emé uno autro planto