Plantun de Prouvènço

Pèr coumpara dos planto d'encò nostre

Carex praecox & Deschampsia cespitosa

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Coutelino(-en-mato)

Deschampsia cespitosa

Poaceae Graminaceae

Noms en français : Canche cespiteuse, Canche gazonnante.

Descripcioun :
La coutelino-en-mato trachis pulèu en mountagno au nostre, dins li relarg umide l'ivèr e secarous l'estiéu. Es uno grando planto en mato emé uno lengueto longo e pounchudo (> 4 mm). I'a dos flour dins cado espigueto coume pèr tóuti li Deschampsia. Se destrìo de Deschampsia media qu'à de fueio plano emé 9 à 11 costo dessubre e rufo dessouto. Peréu l'arèsto es estacado vers lou bas de la lemma. La subsp. presentado, cespitosa, a de glumo d'en aut mai longo que 3,5 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 10 à 150 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Deschampsia
Famiho : Poaceae
Famiho classico : Graminaceae

Coulour de la flour : Vióuleto
Petalo : ges
Ø (o loungour) flour : 4 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Palun - Marlo - Mueio
Estànci : Coulinen à Aupen
Couroulougi : Ouroufito-Éuropenco
Ref. sc. : Deschampsia cespitosa (L.) P.Beauv., 1812

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Deschampsia cespitosa

ges

Coumpara Queirello(-proumierenco) emé uno autro planto

Coumpara Coutelino(-en-mato) emé uno autro planto