Plantun de Prouvènço

Pèr coumpara dos planto d'encò nostre

Carex praecox & Biscutella lima

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Erbo-de-sièis-ouro

Biscutella lima

Brassicaceae Cruciferae

Autre noum : Erbo-pinello.

Noms en français : Biscutelle à feuilles de coronope, Lunetière à feuilles de corne-de-cerf.

Descripcioun :
Lis erbo-de-sièis-ouro se recounèisson à si fru que fan pensa à de luneto. Fau-ti vèire dins lou noum lou "o" de "6" e pièi aquéu d'ouro : oo ? Aquelo erbo d'aqui, Biscutella lima, a de fueio di proun retaiado. A pas li sepalo esperloungado en esperoun, au contro de B. cichoriifolia. Èi la mai coumuno au nostre.

Usanço :
Se chabis de poucioun d'erbo-de-sièis-ouro censado ajuda à " encarna sa founso persounalita " o pulèu à ... se faire couiouna.

Port : Pichoto planto lignouso
Taio : 10 à 50 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Biscutella
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1,4 à 1,8 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à Avoust

Liò : Garrigo - Roucaio - Tepiero seco - Roucas
Estànci : Mesoumediterran à Mountagnard
Couroulougi : Eurimediterrano
Ref. sc. : Biscutella lima Rchb., 1832 (= Biscutella coronopifolia L., 1771 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Biscutella lima

ges

Coumpara Queirello(-proumierenco) emé uno autro planto

Coumpara Erbo-de-sièis-ouro emé uno autro planto