Plantun de Prouvènço

Pèr coumpara dos planto d'encò nostre

Carex panicea & Salvia pratensis

Queirello(-faus-mi)

Carex panicea

Cyperaceae

Àutri noum : Moutouso, Sagneto.

Noms en français : Laîche bleuâtre, Laîche faux panic.

Descripcioun :
Poulido queirello que trachis dins li relarg bagna en mountagno o dins li palun. Es uno planto que fai un rizoumo d'ounte sorton lis espigo e de fueio verdalo qu'embrasson proun la cambo. I'a uno espigueto masclo (en aut) e 1 à 3 espigo femello pas trop sarrado e emé un long pecou. Lis utriculo de 3 à 4 mm, soun claro emé un bè forço court. I'a tres estigmato (fotò).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 15 à 30 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero - Palun
Estànci : Mesoumediterran à Subaupen
Couroulougi : Éurosiberiano
Ref. sc. : Carex panicea All., 1785

Erbo-di-bons-ome

Salvia pratensis

Lamiaceae Labiaceae

Àutri noum : Erbo-de-vène-me-querre, Erbo-de-vène-me-querre-te-garirai, Erbo-dóu-tai, Bouco-de-loup, Sant-Jan.

Nom en français : Sauge des prés.

Descripcioun :
L'erbo-di-bons-ome es uno planto bèn couneigudo de prat, subretout de basso mountagno. Se recounèis à sis enflourejado de flour bluio verticillado pèr 6 e si fueio gaufrado.

Usanço :
A li mémis usanço que la sàuvi. Ei bono pèr digeri e èi peréu antispasmoudi. Li poussiéu de póumoun (asmati) la tubavon à passa tèms. Ei counseia de la counsouma seco pèr diminui li dangié de la tuiono marrido pèr li nèrvi (coume l'absinto).

Port : Erbo
Taio : 20 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Salvia
Famiho : Lamiaceae
Famiho classico : Labiaceae

Ordre : Lamiales

Coulour de la flour :
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Colo - Basso mountagno - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Salvia pratensis L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Carex panicea & Salvia pratensis

ges

Coumpara Queirello(-faus-mi) emé uno autro planto

Coumpara Erbo-di-bons-ome emé uno autro planto