Plantun de Prouvènço

Pèr coumpara dos planto d'encò nostre

Carex davalliana & Erica cinerea

Queirello(-de-Davall)

Carex davalliana

Cyperaceae

Àutri noum : Moutouso, Sagneto.

Nom en français : Laîche de Davall.

Descripcioun :
La queirello-de-Davall trachis en mato dins li palun de mountagno sus cauquié. Es uno meno subretout diouïco (emé li flour masclo e femello sus de pèd diferènt). Lis espigo femello se recounèisson eisadamen emé sis espigueto à l'ourizountalo e acabado emé un long bè. Li masclo soun mai prim (2 mm de larg). Fai uno souco gazounanto d'ounte parton li cambo en triangle. Quàuqui planto soun mounouïco.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30(50) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 15 à 20 mm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Juliet à avoust

Liò : Bas-palun - Palun
Estànci : Mountagnard à Aupen
Couroulougi : Éuropo-Cèntre
Ref. sc. : Carex davalliana Tausch, 1800

Brousso-rasiero

Erica cinerea

Ericaceae

Nom en français : Bruyère cendrée.

Descripcioun :
La brousso-rasiero se rescontro soulamen au couchant de noste relarg qu'èi pulèu uno planto coumuno dóu coustat de l'atlantico. Au contro di brusc que fan de bartas un pau grand, aquelo èi pu basso. Trachis, parié, dins lis endré séusous, sablo e savèu. Se recounèis à si pichòti flour roso e redouno en enflourejado e à si fueio bèn verdo en long, primo, verticilado pèr 3-4 e quàsi sènso péu.

Usanço :
La brousso-rasiero èi vertuouso contro lis enfecioun urinàri e li graviho dóu ren (Erica vèn dóu gre e vòu dire roumpre). Se pren en tisano, (30 à 40 g de flour seco pèr litre d'aigo).