Bourso-à-pastre
Capsella bursa-pastoris subsp. pastoris
Brassicaceae Cruciferae
Àutri noum : Erbo-dóu-cor, Erbo-de-l'evangèli, Carnié-de-pastre, Nastou-fèr, Nestoun.
Nom en français : Bourse-à-pasteur.
Descripcioun :Lou biais lou mai eisa pèr la recounèisse èi de segur si pichot boursèu en formo de cor (l'erbo-dóu-cor) que dounon d'èr i bourso di pastre d'à passa tèms. Coume flouris dins li champ quàsi tout de long de l'annado es eisa de la rencountra. Isto peréu la meno rubella, rouginasso, emé de boursèu un pau mai larg.
Usanço :La bourso-à-pastre rintro dins la coumpousicioun de l'ensalado champanello, mai tout se manjo dins aquelo planto, di racino i flour. De la meme famiho que la moustardo (Brassicaceae), n'a tambèn un pau lou goust. Li chinés la cultivon coume liéume. Ei couneigudo peréu pèr èstre vertuouso contro li proublèmo de circulacioun dóu sang (cambo lourdo, moureno...).
Port : Erbo
Taio : 5 à 40 cm
Fueio : basalo
Tipe bioulougico : Teroufite
Cicle bioulougico : Planto de l'an
Gènre : Capsella
Famiho : Brassicaceae
Famiho classico : Cruciferae
Ordre : Brassicales
Coulour de la flour :
Blanco
Petalo : 4
Ø (o loungour) flour : 3 mm
Flourido : Printèms
Autouno - Ivèr
Sòu : Ca
Autour basso e auto : 0 à 1800 m
Aparado : Noun
Remarco : Ensalado champanello
Janvié à desèmbre
Liò : Champ
- Ermas
- Camin
- Escoumbre e proche dis oustau
Estànci : Termoumediterran à Subaupen
Couroulougi : Bourealo
Ref. sc. : Capsella bursa-pastoris subsp. pastoris (L.) Medik., 1792
Mi(-fèr)
Oloptum miliaceum
Poaceae Graminaceae
Autre noum : Mihet.
Noms en français : Faux Millet, Piptathère faux millet.
Descripcioun :Lou mi-fèr es uno planto coumuno que fai de mato proun ramificado e duro, à sa baso. Li paniculo de flour soun peréu forço ramificado e drudo en espiguet. La lemma qu'a ges de péu sus l'esquino (au contro de Piptatherum paradoxum) devèn bruno un cop maduro e porto uno arèsto de 2 à 5 mm. Coumpara emé lou mi-blaven qu'a d'espiguet e de lemma bèn mai gros.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Grando erbo
Taio : 0,5 à 1,5 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Oloptum
Famiho : Poaceae
Famiho classico : Graminaceae
Tribu : Stipeae
Ordre : Poales
Coulour de la flour :
Verdo
Petalo : ges
Ø (o loungour) enflourejado : 15 à 40 cm
Flourido : Printèms
- Estiéu - Autouno
Sòu : Ca (Si)
Autour basso e auto : 0 à 800m
Aparado : Noun
Jun à setèmbre
Liò : Ribiero
- Roucaio
- Levado
Estànci : Termoumediterran à Mesoumediterran
Couroulougi : Mediterrano-Touranienno
Ref. sc. : Oloptum miliaceum (L.) Röser & Hamasha
(= Piptatherum miliaceum (L.) Coss., 1851 )
