Plantun de Prouvènço

Pèr coumpara dos planto d'encò nostre

Atropa belladonna & Rosa micrantha

Bello-dono

Atropa belladonna

Solanaceae

Àutri noum : Erbo-empouisounado, Boutoun-negre, Mourello-furiouso, Pouisoun.

Noms en français : Belladone, Bouton-noir.

Descripcioun :
La bello-dono es uno grando erbo renadivo à port d'aubret que viéu pas gaire de tèms. Se recounèis eisa à si flour en campano brunello e si fru negre un cop madur.

Usanço :
Touto la planto (fueio, fru...) caup proun d'alcalouïde dangeirous coume l'atroupino e l'iociamino que sèrvon aro en medecino (anestesìo). A l'age-mejan fasié partido di poutingo di masclo. Se saup peréu que li richo italiano de la Reneissènço se metien de jus de boutoun-negre dins lis iue pèr groussi si vistoun (marco de l'amour!).

Port : Aubret
Taio : 40 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Atropa
Famiho : Solanaceae

Coulour de la flour : Brunello
Petalo : 5
Ø (o loungour) flour : 15 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco :

Liò : Esclargiero - Escoumbre e proche dis oustau - Roucaio
Estànci : Subremediterran à Mountagnard
Couroulougi : Éurasiatico-Cèntre-Ouèst
Ref. sc. : Atropa belladonna L., 1753

Agufié(-di-pichòti-flour)

Rosa micrantha

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Noms en français : Églantier à petites fleurs, Rosier à petites fleurs.

Descripcioun :
Aquest agufié (o agoulencié) se rescontre souvènt en ribo de fourèst, dins li relarg ensouleia de basso e mejano mountagno. Se recounèis à si flour roso pulèu pichoto e claro au cèntre, si fueio e si pecou de flour glandoulous e à soun óurifice calicinau (fotò) pichot (1/4 dóu Ø -0,8 à 1,2 mm).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.