Plantun de Prouvènço

Pèr coumpara dos planto d'encò nostre

Atropa belladonna & Cuscuta scandens

Bello-dono

Atropa belladonna

Solanaceae

Àutri noum : Erbo-empouisounado, Boutoun-negre, Mourello-furiouso, Pouisoun.

Noms en français : Belladone, Bouton-noir.

Descripcioun :
La bello-dono es uno grando erbo renadivo à port d'aubret que viéu pas gaire de tèms. Se recounèis eisa à si flour en campano brunello e si fru negre un cop madur.

Usanço :
Touto la planto (fueio, fru...) caup proun d'alcalouïde dangeirous coume l'atroupino e l'iociamino que sèrvon aro en medecino (anestesìo). A l'age-mejan fasié partido di poutingo di masclo. Se saup peréu que li richo italiano de la Reneissènço se metien de jus de boutoun-negre dins lis iue pèr groussi si vistoun (marco de l'amour!).

Port : Aubret
Taio : 40 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Atropa
Famiho : Solanaceae

Coulour de la flour : Brunello
Petalo : 5
Ø (o loungour) flour : 15 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco :

Liò : Esclargiero - Escoumbre e proche dis oustau - Roucaio
Estànci : Subremediterran à Mountagnard
Couroulougi : Éurasiatico-Cèntre-Ouèst
Ref. sc. : Atropa belladonna L., 1753

Péu-de-lin(-escaladaire)

Cuscuta scandens

Convolvulaceae

Àutri noum : Péu-de-lin, Péu-de-damo, Barbo-de-mouine, Rasco, Cuscuto.

Noms en français : Cuscute volubile, Cuscute du Bident.

Descripcioun :
Aquéu péu-de-lin trachis pulèu dins li mitan umide. Si tijo soun jauno aranjado e sis enflourejado en grumicelet fan de 8 à 15 mm. Se recounèis peréu que sis estigmate soun en massugueto. Li flour soun blanco o jaunasso. Li boursèu fan de 2,8 à 3,8 mm.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo .