Plantun de Prouvènço

Pèr coumpara dos planto d'encò nostre

Arum cylindraceum & Oxytropis campestris

Sangueiroun(-en-cilindre)

Arum cylindraceum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum des Alpes, Gouet des Alpes.

Descripcioun :
Aquest sanguieroun, rare au nostre, trachis dins li blachiero e li faio. Se destrìo de Arum italicum bèn mai coumun, que soun espadice èi prim e vióulet (jaune encò de A. italicum) e de Arum maculatum que li fueio soun pas jamai tacado e gaire sagitado, e emé uno espato mai estrecho e mens duberto. Apoundèn que la cambo de flour èi eici tant longo que li pecou di fueio.

Usanço :
Dèu agué, cresèn, li mémi prouprieta que lou sanguieroun coumun.

Port : Erbo
Taio : 15 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 4 à 5 cm
Flourido : Printèms

Sòu : Ca
Autour basso e auto : 0 à 1400 m
Aparado : Noun
Abriéu à mai

Liò : Blachiero - Faio - Baus
Estànci : Mesoumediterran à Subremediterran
Couroulougi : Éuropenco
Ref. sc. : Arum cylindraceum Gasp., 1814

Cese-fèr(-campèstre)

Oxytropis campestris

Fabaceae Leguminosae

Nom en français : Oxytropis des Alpes.

Descripcioun :
Lou cese-fèr-campèstre, dóu gènre Oxytropis (emé la carèno pounchudo), trachis noun pas dins li champ, mai dins li tepiero roucaiouso de mountagno sus cauquié. Es uno planto peludo que se recounèis à si flour jauno claro de 15 à 20 mm. Se vèi eisa dins l'uba dis Aup, mai pas gaire dins lis Aup dóu miejour.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 5 à 20 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Oxytropis
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 15 à 20 mm
Flourido : Estiéu

Sòu : Ca
Autour basso e auto : 1600 à 3000 m
Aparado : Noun
Juliet à avoust

Liò : Tepiero roucaiouso
Estànci : Subaupen à Aupen
Couroulougi : Artico-Aupenco
Ref. sc. : Oxytropis campestris (L.) DC., 1802 (= Astragalus campestris L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arum cylindraceum & Oxytropis campestris

ges

Coumpara Sangueiroun(-en-cilindre) emé uno autro planto

Coumpara Cese-fèr(-campèstre) emé uno autro planto