Plantun de Prouvènço

Pèr coumpara dos planto d'encò nostre

Arum cylindraceum & Carex sylvatica

Sangueiroun(-en-cilindre)

Arum cylindraceum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum des Alpes, Gouet des Alpes.

Descripcioun :
Aquest sanguieroun, rare au nostre, trachis dins li blachiero e li faio. Se destrìo de Arum italicum bèn mai coumun, que soun espadice èi prim e vióulet (jaune encò de A. italicum) e de Arum maculatum que li fueio soun pas jamai tacado e gaire sagitado, e emé uno espato mai estrecho e mens duberto. Apoundèn que la cambo de flour èi eici tant longo que li pecou di fueio.

Usanço :
Dèu agué, cresèn, li mémi prouprieta que lou sanguieroun coumun.

Port : Erbo
Taio : 15 à 30 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Arum
Famiho : Araceae

Ordre : Alismatales

Coulour de la flour :
Petalo : ges
Ø (o loungour) flour : 4 à 5 cm
Flourido : Printèms

Sòu : Ca
Autour basso e auto : 0 à 1400 m
Aparado : Noun
Abriéu à mai

Liò : Blachiero - Faio - Baus
Estànci : Mesoumediterran à Subremediterran
Couroulougi : Éuropenco
Ref. sc. : Arum cylindraceum Gasp., 1814

Queirello(-de-bos)

Carex sylvatica

Cyperaceae

Àutri noum : Moutouso, Sagneto.

Nom en français : Laiche des bois.

Descripcioun :
La queirello-de-bos èi pas trop coumuno au nostre bord que i'agrado li relarg umide. Es uno grando planto que trachis en mato amé de fueio verdo claro de 3 à 6 mm de larjo, amé uno espigo maclo e de 2 à 5 espigo femèu que pendoulon un cop maduro e pourtado pèr de pecou escabrous. Apoundèn que lis utriculo an un long bè (1,2 à 2,2 mm) amé de dènt bifido.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 0?6 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 4 cm
Flourido : Printèms - Estiéu

Sòu : Ca (Si)
Autour basso e auto : 0 à 1700 m
Aparado : Noun
Mai à juliet

Liò : Bos umide - Gaudre
Estànci : Termoumediterran à Mountagnard
Couroulougi : Éuroupenco-Caucasiano
Ref. sc. : Carex sylvatica Huds., 1762

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Arum cylindraceum & Carex sylvatica

ges

Coumpara Sangueiroun(-en-cilindre) emé uno autro planto

Coumpara Queirello(-de-bos) emé uno autro planto