Plantun de Prouvènço

Pèr coumpara dos planto d'encò nostre

Anchusa italica & Astragalus sempervirens subsp. sempervirens

Lengo-de-biòu

Anchusa italica

Boraginaceae

Àutri noum : Lengo-de-buou, Bourràgi-fèr, Bourrage-bastard, Bourrigai-fèr.

Noms en français : Buglosse d'Italie, Buglosse azurée.

Descripcioun :
La lengo-de-biòu es uno planto coumuno dins lis ermas e li champ pulèu mena en agriculturo tradiciounalo o bioulougico. Es uno grando planto renadivo di proun peludo que fai de poulìdi flour bluio coulour d'azur.

Usanço :
Èi manjadisso cuecho coume de caulet. Proche dóu bourrage, a quàsi li mémi prouprieta. Apasimo li mau de vèntre e d'estoumac (tisano de 60 g de flour e de fueio, 20 mn, 4 tasso pèr jour) e lou tussi (tisano de flour seco, P. Lieutaghi, op.cit. p. 124).

Port : Grando erbo
Taio : 40 à 200 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Anchusa
Famiho : Boraginaceae

Ordre : Ordre pas nouma

Coulour de la flour : Bluio
Petalo : 5
Ø (o loungour) flour : 1,5 à 2 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à juliet

Liò : Meissoun - Champ - Ermas
Estànci : Termoumediterran à Coulinen
Couroulougi : Eurimediterrano
Ref. sc. : Anchusa italica Retz., 1779

Reviro-pastour

Astragalus sempervirens subsp. sempervirens

Fabaceae Leguminosae

Noms en français : Astragale aristé, Astragale toujours vert.

Descripcioun :
Lou reviro-pastour trachis sus li pendis roucaious de mountagno. Avisas-vous de pas vous asseta dessubre que fai de couissin forço pougnènt. Soun li rachis lignous que soubron di fueio que fan aquésti pougnoun. La subsp. sempervirens èi cuberto de long péu blanc (subretout sus lou "calice") de mai de 1,5 mm e fai de flour pulèu grosso (15 à 18 mm).

Usanço :
"Lou reviro-pastour, las fiés lou manjon dins la nèu, quand es imou, bagna, ou strepien, las nourrishe bèn" (J.-L. Domenge in LMT, op.cit. p. 58).

Port : Pichoto planto lignouso
Taio : 10 à 40 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour :
Petalo : irreguliero
Ø (o loungour) flour : 15 à 18 mm
Flourido : Estiéu

Sòu : Ca
Autour basso e auto : 800 à 2600 m
Aparado : Noun

Liò : Tepiero roucaiouso - Esboudèu - Limas de ribiero
Estànci : Mountagnard à Aupen
Couroulougi : Ouroufito-Ouèst-Éuropenco
Ref. sc. : Astragalus sempervirens subsp. sempervirens Lam., 1783

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Anchusa italica & Astragalus sempervirens subsp. sempervirens

Coumpara Lengo-de-biòu emé uno autro planto

Coumpara Reviro-pastour emé uno autro planto