Plantun de Prouvènço

Pèr coumpara dos planto d'encò nostre

Alchemilla saxatilis & Festuca inops

Pato-de-lioun(-de-roucas)

Alchemilla saxatilis

Rosaceae

Autre noum : Erbo-de-la-flaquiero.

Nom en français : Alchémille des rochers.

Descripcioun :
Aquelo pato-de-lioun trachis dins li roucaio e roucas séusous de mountagno. Fai partido dóu group ALPINAE que li tros de fueio soun deliéure quàsi fin qu'à la baso e proun argenta dessouto. Se recounèis e se destrìo dis autro dóu group que la cambo que porto li flour èi di proun longo amé de gloumerule de flour gaire proche.

Usanço :
Avèn pas d'entresigne segur sus aquelo planto. Tant se poudrié que si prouprieta fuguèsson li memo que li de Alchemilla alpina.

Port : Erbo
Taio : 15 à 30 cm
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Alchemilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Si
Autour basso e auto : 1000 à 2200 m
Aparado : Noun
Jun à setèmbre

Liò : Roucas - Roucaio - Tepiero seco
Estànci : Subremediterran à Aupen
Couroulougi : Ouroufito-Sud-Éuroupenco
Ref. sc. : Alchemilla saxatilis Buser, 1891

Petugo(-primo)

Festuca inops

Poaceae Graminaceae

Nom en français : Fétuque grêle.

Descripcioun :
La petugo-primo trachis en mato dins li tepiero seco e li garrigo de Prouvènço, pulèu dins li colo fin qu'i mountagno mejano. Es uno petugo di fueio verdo e primo (< 0,7 mm). A un sclerenchime qu'èi pas de countùni e pulèu irregulié. La paumo (paniculo) èi longo e primo (> 5 cm) e lis espigueto pas aristado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Festuca
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5 à 7 cm
Flourido : Printèms

Sòu : Ca (Si)
Autour basso e auto : 0 à 1200 m
Aparado : Noun
Remarco : Endemico de Prouvenço e Ligurìo
Mai à jun

Liò : Tepiero seco - Garrigo
Estànci : Mesoumediterran à Mountagnard
Couroulougi : Eurimediterrano-Nord-Est
Ref. sc. : Festuca inops De Not.

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Alchemilla saxatilis & Festuca inops

ges

Coumpara Pato-de-lioun(-de-roucas) emé uno autro planto

Coumpara Petugo(-primo) emé uno autro planto