Plantun de Prouvènço

Pèr counèisse e recounèisse li planto d'encò nostre

fotò
fotò Mousso-tèco-drecho-daurado

Homalothecium lutescens

Brachytheciaceae

Nom en français : Thèque droite dorée.

Descripcioun :
Aquelo mousso pluroucarpo coumuno trachis subretout à la baso de pege (o un pau aut) e peréu sus li roco e li pelouso ounte pòu proun s'espandi. Se recounèis à si ramo drecho e longo emé coulour verd daura. Li fueio soun en triangle lanceoulado emé 2 à 4 rufo alor que la costo fai de 4 part 3 de la loungour. Lou bout de la fueio es en pouncho e bourdado de dènt.

Counfusioun :
Se pòu engana emé Homalothecium sericeum, pamens aquelo radiero èi pu ramado e si rizoïde soun estaca tout de long (soulamen à la baso pèr Homalothecium sericeum). Coumpara emé la mousso-tèco-drecho-sedouso.

Bioulougìo - Usanço - Classificacioun

Port : Pluroucarpo
Taio : 8 à 15 cm
Fueio : 2,5 à 3 mm
Planto : Autouïco
Cicle bioulougico : Planto renadivo
Fourestiero : Noun

Urno : 2 à 2,5 mm
Sedo : 2 à 3 cm
Peristome : Coumplet
Espouroufite : Printèms
Mars à mai
Aparado :

Empouisounanto : Noun
Manjadisso : Noun

Vertuouso : Noun

Gènre : Homalothecium
Famiho : Brachytheciaceae
Ordre : Hypnales
Filougenìo : Bryophyta

Ref. sc. : Homalothecium lutescens (Hedw.) H.Rob., 1962

Ecoulougìo - Partisoun

Liò : Pege - Roco - Pelouso - Sòu

Estànci : Mesoumediterran, Subremediterran, Coulinen, Mountagnard, Subaupen.

Couroulougi : Oulartico

Sòu : Ca (Si)

Autour basso e auto : 50 à 2000 m

Aboundànci : CC

Fitousoucioulougìo

Classo : Festuco valesiacae-Brometea erecti

Ordre : Pancaro entresigna

Alianço : Abietinellion Giacomini

Assouciacioun : Abietinelletum abietinae

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
RR
ges
CC
RR
R
CC
CC
CC

Coumpara Mousso-tèco-drecho-daurado emé uno autro planto

fotò

Uno questioun, uno remarco...