Plantun de Prouvènço

Pèr counèisse e recounèisse li planto d'encò nostre

fotò
fotò Rouberto(-pourpro)

Geranium purpureum

Geraniaceae

Nom en français : Géranium pourpre.

Descripcioun :
La rouberto-pourpro trachis dins nòsti colo, sus li tepiero seco, lis esboudèu e dins li bos clar. Fai de pichòti flour mai o mens pourpro emé de rai pu sourne. Se recounèis à si fueio di proun retaiado e se destrìo de sa cousino la rouberto, Geranium robertianum, emé si estamino jauno e pas roujo. Tambèn vènon pas dins li mémi relarg. Coumpara emé la rouberto que ié sèmblo proun.

Usanço :
Coume la rouberto, es uno planto vertuouso contro la cagagno, li blessaduro (fueio fresco) e lis espaime (mau de vèntre). Èi peréu anti-enflamativo, bono contro lis angino e li mountado de la. Se bèu en tisano de flour (25g/1L) o de planto secado (50g/1L) - leissa infusa 20 mm.

Bioulougìo - Usanço - Classificacioun

Port : Erbo
Taio : 10 à 40 cm
Fueio : coumpausado
Tipe bioulougico : Teroufite
Cicle bioulougico :
Planto de l'an
Fourestiero : Noun

Coulour de la flour : Roso
Petalo : 5
Ø (o loungour) flour : 6 à 11 mm
Flourido : Printèms - Estiéu
Mars à juliet
Aparado : Noun

Empouisounanto : Noun
Manjadisso : Noun
Anti-enflamativo
Vertuouso : Astringènto
Vulneràri
Antispasmoudico

Gènre : Geranium
Famiho : Geraniaceae
Ordre : Geraniales
Filougenìo : Tracheophyta

Ref. sc. : Geranium purpureum Vill., 1786

fotò

Ecoulougìo - Partisoun

Liò : Tepiero seco - Esboudèu - Bos clar

Estànci : Termoumediterran, Mesoumediterran, Subremediterran, Coulinen.

Couroulougi : Mediterrano-Atlantico

Sòu : Ca (Si)

Autour basso e auto : 0 à 1200 m

Aboundànci : CC

Fitousoucioulougìo

Classo : Cardaminetea hirsutae

Ordre : Geranio purpurei-Cardaminetalia hirsutae

Alianço : Pancaro entresigna

Assouciacioun : Pancaro entresigna

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.
fotò Rose Plano Auto Basso Safrouso Preaupenco Marino Aup
CC
CC
CC
CC
CC
C
CC
ges

Coumpara Rouberto(-pourpro) emé uno autro planto

fotò

Uno questioun, uno remarco...