Plantun de Prouvènço

Pèr coumpara dos planto d'encò nostre

Vitis rupestris & Trisetaria panicea

Vitis rupestris

Vitaceae

Nom en français : Vigne des rochers.

Descripcioun :
La lambrusco-de-roucas èi la mai pichoto di vigno fèro que trachisson au nostre. Li fueio, souvènt jaunasso, alor que li cambo e pecou soun roujo, an di tres partido, mai gaire separado. Au contro de Vitis riparia, lou sinus èi gaire founs, o pèr lou mens pas "carra". Se n'en destrìo peréu qu'a ges de péu e nimai souto li fueio sus li costo. Fai de vediho courteto.

Usanço :
Li fueio soun vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 1 à 2 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Coulour de la flour : Verdo
Petalo : 8
Ø (o loungour) flour : 5 mm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Jun à juliet

Liò : Ermas - Roucaio - Ribiero
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Vitis rupestris Scheele, 1848

Civadoun(-di-fueio-de-panisso)

Trisetaria panicea

Poaceae Graminaceae

Nom en français : Trisète à feuilles de panic.

Descripcioun :
Aquéu civadoun de l'an, pulèu rare, trachis dins li tepiero seco e lis ermas de noste relarg de basso Prouvènço. Fai uno grando enflourejado de 2 à 12 cm emé d'espigueto de 2 à 9 flour que la glumo de dessouto èi bèn mai courto qu'aquesto d'en aut. Li lemma an d'arèsto torso e longo de quàuqui mm. Se recounèis peréu à si fueio di proun peludo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Trisetaria
Famiho : Poaceae
Famiho classico : Graminaceae

Ordre : Poales

Coulour de la flour : Jauno
Petalo : ges
Ø (o loungour) enflourejado : 2 à 12 cm
Flourido : Pintèms

Sòu : Ca
Autour basso e auto : 0 à 400 m
Aparado : Noun
Abriéu à jun

Liò : Tepiero seco - Ermas
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Trisetaria panicea (Lam.) Paunero, 1805

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis rupestris & Trisetaria panicea

ges

Coumpara Lambrusco(-de-roucas) emé uno autro planto

Coumpara Civadoun(-di-fueio-de-panisso) emé uno autro planto