Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Rhynchostegiella tenella

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Bè-prim

Rhynchostegiella tenella

Brachytheciaceae

Nom en français : Longbec fin.

Descripcioun :
Aquelo mousso pluroucarpo sedouso, poulideto e mau-eisado à derraba (fau un coutèu) trachis dins li relarg d'oumbro e fres, pulèu sus roco cauquiero (mai pas soulamen). Èi pulèu pichoto pèr uno mousso pluroucarpo. Li tijo e fueio soun primo ; li fueio de 1 à 1,5 mm soun tambèn primo, tout en long e en lanço ; se vèi pas gaire la costo, elo tambèn longo.

Usanço :
Se pòu engana emé d'àutri mousso pluroucarpo di fueio primo. Amblystegium serpens a de fueio en lanço pu larjo e douno pas un biais sedous. Rhynchostegiella litorea di proun proche e que trachis en ribo de mar, a de cellulo apicalo de fueio pu courto qu'aquéli dóu mitan.

Port : Pluroucarpo
Taio : 2 à 3 cm
Fueio : 1 à 1,5 mm
Tipe bioulougico :
Cicle bioulougico : Planto renadivo

Gènre : Rhynchostegiella
Famiho : Brachytheciaceae

Ordre : Hypnales

Coulour de la flour :
Petalo : 0,6 à 1,2 mm
Ø (o loungour) flour : Coumplet
Flourido : Autouno

Sòu : Ca (Si)
Autour basso e auto : 10 à 1800 m
Aparado : Noun
Óutobre à desèmbre

Liò : Roco - Esboudèu - Paret - Muraio
Estànci : Mesoumediterran à Mountagnard
Couroulougi : Oulartico
Ref. sc. : Rhynchostegiella tenella (Dicks.) Limpr., 1890

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Rhynchostegiella tenella

ges

Coumpara Lambrusco(-bastardo) emé uno autro planto

Coumpara Bè-prim emé uno autro planto