Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Buglossoides arvensis subsp. permixta

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Erbo-de-la-pisseto

Buglossoides arvensis subsp. permixta

Boraginaceae

Autre noum : Pissoto.

Nom en français : Grémil à pédicelles épais.

Descripcioun :
Aquesto meno d'erbo-de-la-pisseto, subsp. permixta, mens coumuno que sa cousino, trachis majamen dins li pelouso sus sòu séusous (la subsp. arvensis vèn sus cauquié). N'en èi proche, pamens li flour à la debuto roso o blanco s'endevènon bluio (fotò). Apoudèn qu'eici lou pecou dóu fru èi pas bèn redoun (quàsi counico).

Usanço :
L'erbo-de-la-pisseto èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco.

Port : Erbo
Taio : 3 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Buglossoides
Famiho : Boraginaceae

Ordre : Ordre pas nouma

Coulour de la flour : Roso
Petalo : 5
Ø (o loungour) flour : 2 à 3 mm
Flourido : Printèms

Sòu : Si
Autour basso e auto : 200 à 1800 m
Aparado : Noun
Mars à jun

Liò : Pelouso - Roucaio
Estànci : Coulinen à Mountagnard
Couroulougi : Subremediterrano
Ref. sc. : Buglossoides arvensis subsp. permixta (Jord.) R.Fern., 1979 (= Lithospermum arvense subsp. incrassatum (Guss.) Bonnier & Layens, 1894 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Buglossoides arvensis subsp. permixta

ges

Coumpara Lambrusco(-bastardo) emé uno autro planto

Coumpara Erbo-de-la-pisseto emé uno autro planto