Plantun de Prouvènço

Pèr coumpara dos planto d'encò nostre

Trisetaria panicea & Rosa elliptica

Trisetaria panicea

Poaceae Graminaceae

Nom en français : Trisète à feuilles de panic.

Descripcioun :
Aquéu civadoun de l'an, pulèu rare, trachis dins li tepiero seco e lis ermas de noste relarg de basso Prouvènço. Fai uno grando enflourejado de 2 à 12 cm emé d'espigueto de 2 à 9 flour que la glumo de dessouto èi bèn mai courto qu'aquesto d'en aut. Li lemma an d'arèsto torso e longo de quàuqui mm. Se recounèis peréu à si fueio di proun peludo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Trisetaria
Famiho : Poaceae
Famiho classico : Graminaceae

Ordre : Poales

Coulour de la flour : Jauno
Petalo : ges
Ø (o loungour) enflourejado : 2 à 12 cm
Flourido : Pintèms

Sòu : Ca
Autour basso e auto : 0 à 400 m
Aparado : Noun
Abriéu à jun

Liò : Tepiero seco - Ermas
Estànci : Termoumediterran à Mesoumediterran
Couroulougi : Estenoumediterrano-Ouèst
Ref. sc. : Trisetaria panicea (Lam.) Paunero, 1805

Agufié(-di-fueioun-redounet)

Rosa elliptica

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Noms en français : Rosier à feuilles elliptiques, Rosier à folioles elliptiques.

Descripcioun :
Aquest agufié trachis dins li colo e en basso mountagno. Ei proche de Rosa agrestis, emé si fueio glandoulouso e si pecou de flour, qu'au contro an ges de glando. Pamens eici li fuioun soun redounet, lis estile pelous, li flour un pau roso e l'ourifice calicinau (fotò) grand (1/3 à 1/4 dóu Ø).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.