Plantun de Prouvènço

Pèr coumpara dos planto d'encò nostre

Sagittaria sagittifolia & Erucastrum nasturtiifolium

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Fausso-)rouqueto

Erucastrum nasturtiifolium

Brassicaceae Cruciferae

Nom en français : Fausse Roquette à feuilles de cresson.

Descripcioun :
Aquelo fausso-rouqueto èi coumuno soulamen dins la valado dóu Rose. Trachis dins li culturo, ermas e sus lou limas de ribiero. Se recounèis subretout à si fueio proun penado, sa cambo peludo, si flour bèn jauno e si boudousco (fru) que s'acabon emé un pichot benc que caup uno à dos grano. Coumpara emé la rouqueto-bastardo que ié sèmblo.

Usanço :
Couneissèn pas d'usanço particuliero pèr aquelo planto. Poudèn pensa qu'èi manjadisso, qu'en Oungrìo fan uno meno de moustardo emé li grano. Escriéure au site se n'en sabès mai.

Port : Erbo
Taio : 20 à 80 (100) cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Erucastrum
Famiho : Brassicaceae
Famiho classico : Cruciferae

Coulour de la flour : Jauno
Petalo : 4
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ - Escoumbre e proche dis oustau - Ribiero
Estànci : Mesoumediterran à
Couroulougi : Pancaro entresigna
Ref. sc. : Erucastrum nasturtiifolium (Poir.) O.E.Schulz, 1916

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

Sagittaria sagittifolia & Erucastrum nasturtiifolium

ges

Coumpara Flècho-d'aigo emé uno autro planto

Coumpara Fausso-)rouqueto emé uno autro planto