Plantun de Prouvènço

Pèr coumpara dos planto d'encò nostre

Sagina glabra & Azolla filiculoides

Sagina glabra

Caryophyllaceae

Nom en français : Sagine glabre.

Descripcioun :
La sagino-liso es uno planto basso renadivo que trachis en mato dins li pelouso e li roucaio de mountagno. Lou noum latin èi pas trop bèn chausi que porto souvènt de péu sus li fueio e la cambo de flour. Es eisa de s'engana emé lis àutri Caryophyllaceae blanco de mountagno. Aregardas que i'ague cinq estile e cinq petalo à ounglet e de fueio primo emé uno souleto costo à la baso de la longo cambo de flour. Lou boursèu èi peréu di cinq partido.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 1 à 2 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Sagina
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : 5 à 15 mm
Flourido : Estiéu

Sòu : Si
Autour basso e auto : 1200 à 3000 m
Aparado : Noun
Remarco : Planto endemico (Aup e Apenin)
Juilet à setèmbre

Liò : Pelouso - Roucaio - Pisto d'esqui
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Sagina glabra (Willd.) Fenzl, 1833

Azola

Azolla filiculoides

Salviniaceae

Nom en français : Azolla fausse filicule.

Descripcioun :
Aquesto pichoto planto que trachis de coumpagno emé li lentiho d'aigo, es un pichot féuse que nous vèn de l'Americo dóu miejour. Creis peréu sus li limas gourga d'aigo. Se recounèis à si foundo ramificado, dicoutoumico que dounon d'èr i fueio de tuia.

Usanço :
D'estùdi soun facho pèr vèire coume poudrié fissa l'azote d'aigo.