Plantun de Prouvènço

Pèr coumpara dos planto d'encò nostre

Rhamnus alaternus & Arum italicum

Daladèr

Rhamnus alaternus

Rhamnaceae

Àutri noum : Aladèr, Fielagno, Daradèu, Taradèu, Aigo-espouncho.

Noms en français : Alaterne, Nerprun alaterne.

Descripcioun :
Aubret en bouissoun de 1 à 3 m d'auturo, pas toujour bèn couneigu e pamens que se vèi proun dins la garrigo e li relarg de l'éuse e dóu roure. Se destrìo de si cousin li Phillyrea e majamen lou media, à si fueio que lou bord laisso passa lou lume (fotò). De regarda peréu li costo. Fai, au mes de mars, de pichòti flour verdo.

Usanço :
Li fru rouge, pièi negre dóu daladèr soun empouisounant. Servié, à passa tèms, pèr faire uno tenchuro jauno. La rusco es astringènto e purgativo.

Port : Aubret
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Rhamnus
Famiho : Rhamnaceae

Coulour de la flour : Verdo
Petalo : 5
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Garrigo
Estànci : Termoumediterran à Mountagnard
Couroulougi : Pancaro entresigna
Ref. sc. : Rhamnus alaternus L., 1753

Sangueiroun

Arum italicum

Araceae

Àutri noum : Figueiroun, Rasin-de-serp, Caulet-de-serp, Erbo-dragouno, Erbo-di-porc.

Noms en français : Arum d'Italie, Gouet d'Italie.

Descripcioun :
Lou sanguieroun es uno planto poulideto bèn couneigudo que trachis dins li relarg proche d'aigo. Se recounèis à si fueio sagitado, sa flour en espato e pièi à si fru roujo. Coume l'avié vist Lamarck (1778), en caufant e en largant d'oudour que pudisson, la flour vai veni de pichòti mousco (Psychoda) que la poulinison.

Usanço :
La planto caup d'alcalouïde, d'ossalate de caucion e mant'un pouisoun subretout li fueio e li fru. Pamens lou tubercule, riche en amidoun, es esta manja cue dóu tèms di carestié. Pèr acò, lou faire bèn couire e chanja l'aigo mant'un cop. Sarié vertuouso pèr li póumoun e contro li moureno e lou mau d'os (Turquìo).