Plantun de Prouvènço

Pèr coumpara dos planto d'encò nostre

Nymphaea alba & Riccia glauca

Ninfèio

Nymphaea alba

Nymphaeaceae

Àutri noum : Crespo-d'aigo, Erbo-d'infèr, Vié-malaut, Ninfo.

Noms en français : Nénuphar blanc, Grand Nénuphar.

Descripcioun :
La ninfèio fai de gròssi fueio redouno escavado dóu coustat dóu pecou (aquéli de dessouto l'aigo soun mai primo). Se recounèis eisadamen peréu emé si gràndi flour blanco que li petalo de l'en dedins soun acabado pèr d'antèro.

Usanço :
Se fai de farino emé lou rizoumo qu'èi riche en empés (d'amidoun). Desempièi Pline l'erbo-d'infèr èi recoumendado pèr empacha de benda. Se dis que li mounge n'en manjavon à l'age-mejan. Poudèn pensa que lou noum de vié-malaut vèn d'acò. Li flour ajudon à caga.

Port : Erbo
Taio : 0,5 à 3 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Nymphaea
Famiho : Nymphaeaceae

Ordre : Nympheales

Coulour de la flour : Blanco
Petalo : >6
Ø (o loungour) flour : 2,5 à 8 cm
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun
Mai à óutobre

Liò : Aigo
Estànci : Termoumediterran à Mesoumediterran
Couroulougi : Éurasiatico
Ref. sc. : Nymphaea alba L., 1753

Ricìo-verdalo

Riccia glauca

Ricciaceae

Nom en français : Riccie glauque.

Descripcioun :
Aquesto ricìo (gènre Riccia) es uno di mai coumuno di ricìo de Prouvènço. Soun de pichòti planto à tale que fan uno lamo verdo au sòu en fourmo de rouseto o de lobe de 1 cm de long aperaqui. L'espouroufite èi caupu dins lou tale au contro di mousso, e lis esporo sorto un cop li lobe creba.

Usanço :
Fai partido dóu subre gènre Riccia que se recounèis à si coulounado de cellulo sarrado (vèire li fotò). Se destrìo dis àutri ricìo bonodi sa taio (4 cop mai larg que aut), qu'a ges d'alo e tambèn ges de bord clar e mai enca...