Plantun de Prouvènço

Pèr coumpara dos planto d'encò nostre

Juniperus oxycedrus & Buglossoides arvensis subsp. permixta

Cade

Juniperus oxycedrus

Cupressaceae

Àutri noum : Genèbre-cade, Cade-genèbre, Chai-blanc.

Nom en français : Genévrier oxycèdre.

Descripcioun :
Lou cade se destrio eisa de soun cousin de garrigo, lou mourven, qu'a ges de fueio pougnènto. Un pau mai aut en mountagno se pòu rescountra lou genèbre, qu'en mai pougne mai, a uno souleto ligno blanco sus lou dessubre di fueio (lou cade n'a dos).

Usanço :
Lou cade èi proun couneigu pèr soun òli que sèr pèr sougna li bèsti (pèr eisèmple li pougnaduro di tavan o lis esclop). Pèr acò faire, acampa de branco fresco, li faire crema d'un bout e reculi l'òli que s'escoulo de l'autre. A passa tèms dins d'ùni relarg, l'òli èro producho dins de four dins li champ. Lou bos de cade èi di mai dur.

Port : Aubret
Taio : Pancaro entresigna
Fueio : aguio escaumo
Tipe bioulougico : Pancaro entresigna
Cicle bioulougico : Pancaro entresigna

Gènre : Juniperus
Famiho : Cupressaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms Autouno

Sòu : Ca
Autour basso e auto : Pancaro entresigna
Aparado : Noun

Liò : Garrigo - Roucaio - Tepiero seco
Estànci : Pancaro entresigna
Couroulougi : Pancaro entresigna
Ref. sc. : Juniperus oxycedrus L., 1753

Erbo-de-la-pisseto

Buglossoides arvensis subsp. permixta

Boraginaceae

Autre noum : Pissoto.

Nom en français : Grémil à pédicelles épais.

Descripcioun :
Aquesto meno d'erbo-de-la-pisseto, subsp. permixta, mens coumuno que sa cousino, trachis majamen dins li pelouso sus sòu séusous (la subsp. arvensis vèn sus cauquié). N'en èi proche, pamens li flour à la debuto roso o blanco s'endevènon bluio (fotò). Apoudèn qu'eici lou pecou dóu fru èi pas bèn redoun (quàsi counico).

Usanço :
L'erbo-de-la-pisseto èi couneigudo pèr bèn ajuda à pissa (diuretico). Sougno li graviho dóu ren. Se pren en tisano un cop la planto seco.

Port : Erbo
Taio : 3 à 60 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Buglossoides
Famiho : Boraginaceae

Ordre : Ordre pas nouma

Coulour de la flour : Roso
Petalo : 5
Ø (o loungour) flour : 2 à 3 mm
Flourido : Printèms

Sòu : Si
Autour basso e auto : 200 à 1800 m
Aparado : Noun
Mars à jun

Liò : Pelouso - Roucaio
Estànci : Coulinen à Mountagnard
Couroulougi : Subremediterrano
Ref. sc. : Buglossoides arvensis subsp. permixta (Jord.) R.Fern., 1979 (= Lithospermum arvense subsp. incrassatum (Guss.) Bonnier & Layens, 1894 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juniperus oxycedrus & Buglossoides arvensis subsp. permixta

Coumpara Cade emé uno autro planto

Coumpara Erbo-de-la-pisseto emé uno autro planto