Plantun de Prouvènço

Pèr coumpara dos planto d'encò nostre

Juncus sphaerocarpus & Maianthemum bifolium

Juncus sphaerocarpus

Juncaceae

Nom en français : Jonc à fruits globuleux.

Descripcioun :
Aquéu rare pichot jounc trachis d'eici, d'eila, dins li pelouso sablouso o argielouso e en ribo d'aigo. Es uno planto mau couneigudo que sèmblo proun à la tèsto-rousso, Juncus tenageia que vèn sus siliço. Pamens èi pu rabasseto, li grano soun quàsi lisco e lou dessin sus li tepalo (pus escartado) èi pas lou meme. Se destrìo dóu group J. bufonius qu'a si fru bèn redoun e pas alounga.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun
Mai à jun

Liò : Pelouso umido - Ribiero
Estànci : Termoumediterran à Mountagnard
Couroulougi : Eurimediterrano
Ref. sc. : Juncus sphaerocarpus Nees, 1818

Maiantème

Maianthemum bifolium

Asparagaceae Liliaceae

Noms en français : Maïanthème à deux feuilles, Petit Muguet.

Descripcioun :
Lou maiantème es uno planto pulèu raro au nostre que trachis dins li sòu umide, souto li faiard e li roure ; s'atrovo soulamen dins li relarg de mountagno, e encaro pas d'en pertout. Coume soun noum latin lou dis, l'enflourejado èi pourtado pèr uno cambo ounte s'estacon dos fueio (uno souleto pèr li tijo esterlo). Trachis en coulounìo bonodi soun rizoumo. Douno un fru rouge picouta .

Usanço :
Es uno planto empouisounanto, majamen li fru. Emé li fueio, emé retengudo, sarié poussible de n'en faire de tisano pèr lucha contro li mau de garganto en gargarisme o coume espetourant. La planto sarié utilisado, peréu, contro li mau de tèsto e coume tounico pèr li ren.

Port : Erbo
Taio : 8 à 15 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Maianthemum
Famiho : Asparagaceae
Famiho classico : Liliaceae

Ordre : Aspargales

Coulour de la flour : Blanco
Petalo : 6
Ø (o loungour) flour : 2 mm
Flourido : Printèms

Sòu : Si (Ca)
Autour basso e auto : Pancaro entresigna
Aparado : Noun
Mai à jun

Liò : Faio - Blachiero - Pinèdo umido
Estànci : Mountagnard à Subaupen
Couroulougi : Bourealo
Ref. sc. : Maianthemum bifolium (L.) F.W.Schmidt, 1794

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juncus sphaerocarpus & Maianthemum bifolium

ges

Coumpara Jounc(-di-fru-redoun) emé uno autro planto

Coumpara Maiantème emé uno autro planto