Plantun de Prouvènço

Pèr coumpara dos planto d'encò nostre

Juncus sphaerocarpus & Geranium divaricatum

Juncus sphaerocarpus

Juncaceae

Nom en français : Jonc à fruits globuleux.

Descripcioun :
Aquéu rare pichot jounc trachis d'eici, d'eila, dins li pelouso sablouso o argielouso e en ribo d'aigo. Es uno planto mau couneigudo que sèmblo proun à la tèsto-rousso, Juncus tenageia que vèn sus siliço. Pamens èi pu rabasseto, li grano soun quàsi lisco e lou dessin sus li tepalo (pus escartado) èi pas lou meme. Se destrìo dóu group J. bufonius qu'a si fru bèn redoun e pas alounga.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : 2 à 3 mm
Flourido : Printèms

Sòu : Ca
Autour basso e auto : 0 à 1700 m
Aparado : Noun
Mai à jun

Liò : Pelouso umido - Ribiero
Estànci : Termoumediterran à Mountagnard
Couroulougi : Eurimediterrano
Ref. sc. : Juncus sphaerocarpus Nees, 1818

Geranion(-divarica)

Geranium divaricatum

Geraniaceae

Noms en français : Géranium divariqué, Géranium étalé.

Descripcioun :
Lou geranion-divarica es uno planto peludo, drecho à la debuto, pièi que trinasso un pau dins l'age. Trachis dins li bos fres. Li fueio soun telado e pourtado pèr un long pecou (pas aquéli di bratèio). Se recounèis majamen à si darrièri fueio óupousado que soun pas simetrico emé l'uno pu grosso que l'autro.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 80 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Geranium
Famiho : Geraniaceae

Ordre : Geraniales

Coulour de la flour : Roso
Petalo : 5
Ø (o loungour) flour : 8 à 12 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Vo
Jun à avoust

Liò : Bos fres - Ouraias - Ermas - Escoumbre e proche dis oustau
Estànci : Mountagnard à Subaupen
Couroulougi : Éurasiatico
Ref. sc. : Geranium divaricatum Ehrh., 1792

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juncus sphaerocarpus & Geranium divaricatum

ges

Coumpara Jounc(-di-fru-redoun) emé uno autro planto

Coumpara Geranion(-divarica) emé uno autro planto