Plantun de Prouvènço

Pèr coumpara dos planto d'encò nostre

Hypecoum pendulum & Fallopia convolvulus

Hypecoum pendulum

Papaveraceae

Noms en français : Cumin à fruits pendants, Petit Cumin.

Descripcioun :
Lou cumin-pendoulant trachis dins li champ de cerealo. Mai emé lis erbicide e la criblo di gran, es uno planto que se vèi pu gaire. Fai de fueio primo e proun penado, de flour mistoulino un pau plato emé li petalo dóu deforo mai longo que li dóu dedins. Douno de long fru que pendoulon (fotò). La planto èi marcado sus la listo roujo, categourìo VU (vulnerablo).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hypecoum
Famiho : Papaveraceae

Ordre : Ranunculales

Coulour de la flour : Jauno
Petalo : 4
Ø (o loungour) flour : 3 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à jun

Liò : Champ - Meissoun - Ermas
Estànci : Mesoumediterran
Couroulougi : Eurimediterrano-Èst
Ref. sc. : Hypecoum pendulum L., 1753

Courrejolo-negro

Fallopia convolvulus

Polygonaceae

Autre noum : Tirasseto-negro.

Noms en français : Renouée faux liseron, Renouée-liseron.

Descripcioun :
La courrejolo-negro douno d'èr à sa cousino la courrejolo, mai d'un poun de vist boutani èi pamens rèn de vèire. Es uno Polygonaceae que fai de flour mistoulino blanco, roso e verdo. Se recounèis à si fueio en ferre de lanço.

Usanço :
Emai fuguèsse cultivado à l'age de brounze, que sa grano èi manjadisso, vuei, èi pulèu visto coume uno marrido erbo.

Port : Liano
Taio : 0,1 à 1(1,5) m
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Fallopia
Famiho : Polygonaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Champ - Camin - Ermas - Ribiero
Estànci : Termoumediterran à Mountagnard
Couroulougi : Bourealo
Ref. sc. : Fallopia convolvulus (L.) Á.Löve, 1970 (= Polygonum convolvulus L., 1753 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Hypecoum pendulum & Fallopia convolvulus

ges

Coumpara Cumin(-pendoulant) emé uno autro planto

Coumpara Courrejolo-negro emé uno autro planto