Plantun de Prouvènço

Pèr coumpara dos planto d'encò nostre

Eriophorum angustifolium & Typha domingensis

Coutoun(-di-fueio-estrecho)

Eriophorum angustifolium

Cyperaceae

Àutri noum : Mineto, Lin-d'estang.

Nom en français : Linaigrette à feuilles étroites.

Descripcioun :
Aquéu coutoun trachis dins li tourbièro de mountagno. Li cambo de flour soun acabado pèr mant uno espigo que pendoulon un cop maduro. Se destrìo dóu coutoun-di-fueio-larjo, Eriophorum latifolium, pas talamen emé li fueio, mai emé lou pecou di flour, lisc eici (rufe encò E.latifolium) ; lou faire resquiha entre li labro pèr bèn senti.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Eriophorum
Famiho : Cyperaceae

Ordre : Poales

Coulour de la flour : Blanco
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Si (Ca)
Autour basso e auto : 800 à 2600 m
Aparado : Noun
Jun à avoust

Liò : Bas-palun - Tourbièro - Riéusset
Estànci : Mountagnard à Aupen
Couroulougi : Bourealo
Ref. sc. : Eriophorum angustifolium Honck., 1782

Paviho-rousso

Typha domingensis

Typhaceae

Àutri noum : Fielouso, Filouso, Masseto, Cire, Sagno.

Nom en français : Massette australe.

Descripcioun :
Coume tóuti li Typha, la paviho-rousso se recounèis à sis espigo femello e masclo. N'i'a cinq meno de Typha ; aquelo se destrìo, de segur de la coulour de l'espigo femello, rousso, mai peréu de si fueio pas trop largo e en mié-ciéucle en coupo, e tambèn de la loungour de separacioun entre li dos espigo (2 cm). Li fueio an d' auriheto gaire redouno au contro de T. angustifolia (vèire lou dessin).

Usanço :
Li fueio de paviho podon èstre utilisado pèr lou sagnage di cadiero e li flour pèr rempli li matalas. Se saup mens que li brout soun manjadis coume d'espargo. Se pòu faire de farino emé li racino e uno meno de pan emé l'agriero.