Plantun de Prouvènço

Pèr coumpara dos planto d'encò nostre

Corydalis solida & Misopates orontium

Corydalis solida

Papaveraceae

Nom en français : Corydale à bulbe plein.

Descripcioun :
Lou couridale, que ié dison colombina en Itàli, douno d'èr à-n-un fumo-terro renadiéu. Flouris à la debuto de la primo dins li blachiero e faio, au nostre subretout en Prouvènço preaupenco dóu levant. Se recounèis à sis enflourejado roso emé de gràndi bratèio, à si fueio di proun descoupado e peréu à si fru pendoulant e pounchu.

Usanço :
La planto es empouisounanto que caup d'alcalouïdo dangeirous e de bulbocapnino marrido pèr li tarnavello. Pamens bèn dousado, sarrien bon pèr lucha contro la malautié de Parkinson e d'ùni proublèmo de nèrvi.

Port : Erbo
Taio : 7 à 20 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Corydalis
Famiho : Papaveraceae

Ordre : Ranunculales

Coulour de la flour : Roso
Petalo : 4
Ø (o loungour) flour : 1,5 à 2,5 cm
Flourido : Printèms

Sòu : Ca
Autour basso e auto : 100 à 1700 m
Aparado : Noun
Mars à mai

Liò : Blachiero - Faio - Cauprenedo - Fendasclo
Estànci : Subremediterran à Mountagnard
Couroulougi : Paleoutemperado
Ref. sc. : Corydalis solida (L.) Clairv., 1811

Badaire(-de-champ)

Misopates orontium

Plantaginaceae Scrophulariaceae

Noms en français : Muflier des champs, Muflier rubicond.

Descripcioun :
Lou badaire-de-champ es uno poulido goulo-de-loup en mai pichoto. Pòu èstre pulèu grand e prim en raport emé la taio e si flour. Trachis bèn dins li champ e lis ermas.

Usanço :
La formo dóu fru, un cop madur, que fai pensa à uno tèsto de mort, servié dins d'ùni relarg d'Europo (Serbìo), à escounjura li marrits esperit.

Port : Grando erbo
Taio : 15 à 80 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Misopates
Famiho : Plantaginaceae
Famiho classico : Scrophulariaceae

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Champ de cerealo

Liò : Champ - Roucaio - Roucas - Meissoun
Estànci : Termoumediterran à Coulinen
Couroulougi : Pancaro entresigna
Ref. sc. : Misopates orontium (L.) Raf., 1840

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Corydalis solida & Misopates orontium

ges

Coumpara Couridale emé uno autro planto

Coumpara Badaire(-de-champ) emé uno autro planto