Plantun de Prouvènço

Pèr coumpara dos planto d'encò nostre

Coristospermum ferulaceum & Vitis riparia x Vitis rupestris

Coristospermum ferulaceum

Apiaceae Umbelliferae

Noms en français : Ligustique, Ligustique fausse férule.

Descripcioun :
Planto d'esboudèu e de roucas sus cauquié. Li fueio soun proun penado emé li bout un pau pouchu, blanc à brunèu (fotò). Li bratèio dis oumbello, peréu penado, fan pensa à de lengo de serp. Li fru soun redoun emé de costo bèn marcado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai (acuei).

Port : Erbo
Taio : Pancaro entresigna
Fueio : coumpausado
Tipe bioulougico : Pancaro entresigna
Cicle bioulougico : Pancaro entresigna

Gènre : Coristospermum
Famiho : Apiaceae
Famiho classico : Umbelliferae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Esboudèu - Roucas
Estànci : Pancaro entresigna
Couroulougi : Pancaro entresigna
Ref. sc. : Coristospermum ferulaceum (All.) Reduron, Charpin & Pimenov, 1997

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.