Plantun de Prouvènço

Pèr coumpara dos planto d'encò nostre

Ceratophyllum demersum & Sparganium emersum

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Varaioun(-subrounda)

Sparganium emersum

Typhaceae Sparganiaceae

Autre noum : Sagno.

Nom en français : Rubanier émergé.

Descripcioun :
Aquéu varaioun se vèi au nostre dins la valado dóu Rose. Trachis subretout dins lis aigo courènto ounte pòu faire de lòngui fueio fin qu'à dous mètre (fotò). Fai de flour e de fru en boulo long d'uno cambo drecho. Se destrìo de soun cousin, Sparganum erectum, que sa tijo èi pas ramado e li fueio mens larjo (de 4 à 12 mm). Avisas-vous de la pas counfoundre emé l'erbo-di-frissoun que si bout de fueio soun denta.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 20 à 200 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Sparganium
Famiho : Typhaceae
Famiho classico : Sparganiaceae

Ordre : Poales

Coulour de la flour : Blanco
Petalo : ges
Ø (o loungour) flour : 15 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à setèmbre

Liò : Roubino - Canau - Estang - Ribiero
Estànci : Mesoumediterran à Mountagnard
Couroulougi : Bourealo
Ref. sc. : Sparganium emersum Rehmann, 1871

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Sparganium emersum

ges

Coumpara Courniflo emé uno autro planto

Coumpara Varaioun(-subrounda) emé uno autro planto